Búgin, 2 qarashada bokstan álem chempıonatynda shırek fınaldyq jekpe-jek ótedi. Serbııa astanasy Belgradta ótetin álem birinshiliginiń rıngine 10 qazaqstandyq shyǵady, dep habarlaıdy Egemen.kz QR Ulttyq Olımpıada komıtetine silteme jasap.
Bıyl sportshylar 13 salmaq dárejesinde eń myqty boksshyny anyqtaıdy.
Qazaqstan komandasy álem chempıonatyna tolyq qurammen qatysyp, on boksshy shırek fınalǵa shyqty.
Boks erejelerine sáıkes, búgingi jekpe-jekterde jeńimpazdar avtomatty túrde álem chempıonatynyń júldegerleri atanady. Jartylaı fınalǵa joldama alǵan sportshy da qola medaldy enshileıdi.
Chempıonatqa álemniń 88 elinen 510 bylǵary qolǵap sheberleri qatysty. Al búgingi kezeńge deıin 42 elden 104 boksshy jetti.
Týrnırdiń 1/4 fınalyndaǵy qazaqstandyq sportshylar men olardyń qarsylastarynyń tizimi:
48 kg: Temirtas Júsipov pen Nodırjon Myrzahmedov (О́zbekstan);
51 kg: SakenBıbosynov pen Iýbergýen Martınez (Kolýmbııa);
54 kg: Mahmýd Sabyrhan men Maıkl Trınıdad (Kolýmbııa);
57 kg: Serik Temirjanov pen Edýard Savvın (Reseı);
60 kg: Samatalı Toltaev pen Sofıan Ýmıa (Fransııa);
63,5 kg: Sanatalı Toltaev pen Rız Lınch (Shotlandııa);
67 kg: Abylaıhan Júsipov pen Chınzorıng Battarsýhıın (Mońǵolııa);
71 kg: Aslanbek Shymbergenov pen Iýrıı Zahareev (Ýkraına);
75 kg: Nurqanat Raıys pen Salvatore Kavallaro (Italııa);
80 kg: Nurbek Oralbaı men Vladımır Mıronchıkov (Serbııa).