Pavlodarda balalar ákesi qoldanǵan jazadan keıin aýrýhanaǵa tústi, dep habarlaıdy Egemen.kz.
Oqıǵa bıyl qazanda bolǵan. 7 jasar qyzymen jáne 6 jasar ulymen úıde otyrǵan áke balalaryn tyńdamaǵany úshin urǵan. Onyń aıtýynsha, balalar balkonǵa júgirip, eskertýlerine qulaq aspaǵan. Sodan keıin kúsh qoldanýǵa sheshim qabyldaǵan. Kishkentaıynyń birden eki túsin túsirgen. Taıaq jegen, jylaǵan balalardy 36 jastaǵy pavlodarlyq taýyp alǵan. Al áıeli jumystan oralǵanda, kúıeýi úıde bolmaǵan. Ol birden polısııa shaqyryp, dárigerge júgingen.
«Eki bala da Pavlodar oblystyq balalar aýrýhanasynyń travmatologııasyna tústi. 2014 jyly týǵan qyz jumsaq tinderdiń kógerýine, oń jaq ıyq súıegi, jabyq bassúıek-mı jaraqatyna jáne mı shaıqalýyna baılanysty qabyldandy. Medısınalyq kómek kórsetilgennen keıin aýrýhanaǵa jatqyzýdan jáne stasıonarlyq emdeýden bas tartýǵa qol qoıyldy», dep habarlady óńirlik densaýlyq saqtaý basqarmasynyń baspasóz qyzmeti.