«Kók» mártebesi bar qazaqstandyqtarǵa tek demalys kúnderi ǵana emes, jumys kúnderi de SOO-ǵa barýǵa tyıym salynýy múmkin. Bul týraly Almaty qalasy Kásipkerler Palatasy dırektorynyń orynbasary Saltanat Lesbaeva málimdedi, dep habarlaıdy Egemen.kz.
«Búgingi tańda bas sanıtarlyq dárigerdiń qaýlysy boıynsha «jasyl» mártebesi bar tulǵalarǵa barý ruqsat etilgen. Jaqynda VAK otyrysynda bul tájirıbeni jumys kúnderi de saýda-oıyn saýyq ortalyǵynyń jumysyna taratý usynyldy. Iаǵnı, búgingi tańda saýda oıyn-saýyq ortalyqtaryna tek «jasyl» mártebesi bar tulǵalar ǵana bara alýy úshin osy másele talqylanýda», dedi ol.
Onyń aıtýynsha, «Atameken» UKP-da osy máseleni talqylaýǵa belsene qatysady.
«Sebebi SOO-da kóptegen kásipkerler jumys isteıdi, tek saýda salasynda ǵana emes. Bul obektilerde aınalymdary, tabystary tómendeýi múmkin basqa da qyzmet túrleri (SOO kóptegen obektilerinde qoǵamdyq tamaqtaný, mektepke deıingi bilim berý, oıyn-saýyq kontenti obektileri) ornalasqan. Sondyqtan bul másele qazir belsendi talqylanyp jatyr», dep atap ótti ol.