Elbasy belgili memleket jáne qoǵam qaıratkeri Qajahmet Balahmetovtyń dúnıeden ótýine baılanysty aýyr qaıǵyǵa ortaqtasyp, kóńil aıtty, dep habarlaıdy Egemen.kz.
«Qajahmet Balahmetuly óziniń barlyq sanaly ǵumyryn halyqqa bilim berý isine arnaǵan abzal azamat bolatyn. Ol kezinde uzaq jyldar boıy Qazaq KSR Oqý-aǵartý mınıstri qyzmetin atqaryp, salanyń damýyna zor eńbek sińirdi. Sonymen qatar qoǵamdyq isterge de atsalysyp, jurtshylyqtyń shynaıy izet-iltıpaty men qurmetine bólendi. Jemisti qyzmeti joǵary marapattarmen atap ótildi.
Onyń ónegeli ómiri óskeleń urpaqqa árdaıym úlgi bolyp qala beredi», delingen jedelhatta.