Jartylaı orta salmaq dárejesinde baq synap júrgen Rıo Olımpıadasynyń chempıony Danııar Eleýsinov óziniń kezekti jekpe-jekke daıyndalyp jatqanyn málimdedi, dep habarlaıdy Egemen.kz.
«18 jeltoqsan kúni Elorda tórinde kásipqoı boks keshi ótedi. Keshtiń basty jekpe-jeginde IBO jáne IBF Inter-Continental belbeýleri úshin sharshy alańǵa shyǵamyn. Boks keshin tamashalap, bizben birge bolyńyzdar», dep jazdy ol óziniń ınstagramdaǵy paraqshasynda.
Esterińizge sala keteıik, bul boks keshinde Danııardan bólek asa aýyr salmaqtaǵy Ivan Dychko da rıngke kóteriledi. Sańlaqtarymyzdyń qarsylastary aldaǵy kúnderi anyqtalady.