Ulttyq akademııalyq kitaphanada «Ulttyq rýhanı jańǵyrý» jobasy aıasynda kitap oqýdy nasıhattaý týraly aıtyldy, dep habarlaıdy Egemen.kz.
Búgin elordalyq kitaphana basshylary men qyzmetkerlerine Ulttyq akademııalyq kitaphanada Aqparat jáne qoǵamdyq damý, Bilim jáne ǵylym, Mádenıet jáne sport mınıstrlikteriniń ókilderi «Ulttyq rýhanı jańǵyrý» Ulttyq jobasynyń negizgi baǵyttary týraly materıaldardy tanystyrdy.
Ulttyq akademııalyq kitaphananyń dırektory, pedagogıka ǵylymdarynyń doktory Úmithan Muńalbaeva ádebıetti, oqyrmandar boıynda mádenıetti ilgeriletýdegi Ulttyq jobanyń mańyzdylyǵyn jáne qazaqstandyqtardy týǵan eldiń mádenı-tarıhı murasymen tanystyrý qajettiligin atap ótti.
Mádenıet jáne sport mınıstrliginiń ókili M.Arǵynbekov Ulttyq joba aıasynda kitap oqýdy nasıhattaýǵa baǵyttalǵan jumys jalǵasatynyn aıtty. Osylaısha, Qazaqstannyń ulttyq elektrondyq kitaphanasynyń aqparattyq júıesin jetildirý, túrlendirý jáne mobıldi qosymshalar arqyly qoljetimdilikti qamtamasyz etý qarastyryldy.