MAIDANGERLERGE QURMET

Keshe Bas prokýratýrada Jeńistiń 65 jyldyǵyna jáne Otan qorǵaýshylar kúnine arnalǵan saltanatty jınalys bo­lyp ótti. Oǵan Bas Pro­kýror Qaırat Mámı­diń shaqyrýymen Astanaǵa osy saltanatty sharalarǵa qatysý úshin kelgen eli­mizdiń pro­kýratýra organ­darynyń arda­gerleri qatysty. Al­dy­men Astanany aralap tamasha­la­ǵan ardagerler qalanyń búgingi kórkine aıryqsha rıza bolyp, ony el tabystarynyń jemisi retinde baǵalady. Bas pro­kýratýranyń jańa ǵıma­ra­tynda Jaýyngerlik jáne eń­bek dańqy murajaıy ashyl­dy. Murajaıda Qazaqstan­da­ǵy qadaǵalaý jáne tergeý organ­dary­nyń qalyptasý ýaqytyndaǵy biregeı ári baǵa jetpes jádigerleri sondaı-aq, Uly Otan soǵysynyń, mem­lekettiń jáne onyń qadaǵalaý organdarynyń odan keıingi damý kezeńderindegi erlik tarıhynan ma­te­rıaldar, qu­jattar men nagradalar qoıyl­ǵan. Saltanatty jınalysta sóz sóı­legen Bas Prokýror Qazaqstan ta­rıhyndaǵy bul kúnniń mańyz­dy­lyǵyn jáne bizdiń soldattardyń shaıqas­tardaǵy baǵa jetpes erligin atap kórsetti. – Sizder    sekildi ar­da­ger­diń birinen týǵan ul retinde aı­tarym, tógilgen qan men ter ar­qyly kelgen, hal­qy­myz úshin tym qymbatqa túsken osy Uly Jeńistiń máni men mańyzyn tereń tú­sinip, qashanda qasterleı bilý, artyndaǵy eli men jeri úshin etigimen sý ke­ship,   Otan úshin otqa túsken qa­har­mandardyń bıik tulǵalaryn ar­daq tutyp, esimderin esten shy­ǵarmaý – búgingi urpaqtyń paryzy men qaryzy, – dedi Qaırat Ábdi­razaq­uly. Bas prokýra­týra­nyń bas­shylyǵy barlyq soǵys ardager­le­rin jáne olarǵa teńestirilgenderdi, tyl eńbekkerlerin marapattap, olarǵa baǵaly syılyqtar tabys etti. Al Uly Otan soǵysynyń eki qatysýshysy – burynǵy pro­ký­ratýra qyzmetkerleri I.Gapıch pen S.Dúısenov Máskeý qalasyna ba­ryp, Jeńis kúni bolatyn sal­tanat­ty sherýge qatysatyn boldy, dep habarlady Bas prokýratýranyń baspasóz qyzmeti.