JETISÝLYQ 12 MAIDANGER

MÁSKEÝ MEN ASTANADAǴY JEŃIS ShERÝINE QATYSÝǴA ATTANDY Jeńis merekesi jaqyndaǵan saıyn aramyzda júrgen arda­ger-jaýyngerlerge degen qurmet tipti arta túskendeı. Olardyń el qorǵaýdaǵy erligi men beıbit zamandaǵy eren eńbegi búginde kópke úlgi. Jeńis merekesi qar­sa­ńynda uıymdastyrylǵan izgi sharalardyń biri jýyrda “Ala­taý” shıpajaıyndaǵy dastarqan basynda jalǵasty. Aldyńǵy  kúni Máskeý men Astanada óte­tin saltanatty sherýge Jetisý ól­kesinen arnaıy qatysatyn bir top soǵys ardagerleri bas qos­qan jıynda oblys ákimi Se­rik Úm­betov aqsaqaldardy mereke­leri­men shyn júrekten quttyqtady. – El basyna kún týǵan zulmat shaqty bastan ótkizip, urpaqqa búgingi baqytty ómirdi syıladyńyzdar. Ýaqyt alys­ta­ǵan saıyn qaharman aǵa urpaq­tyń aıbyny da arta túsýde. Oq pen ottyń alapatynan aman oral­ǵan, “Jeńis” degen uly sóz­di syılaǵan sizderdiń erlik­te­rińiz árqashan qurmetke laıyq. Keler urpaq úshin óshpes óne­ge. Sondyqtan da óńirdegi arda­gerler atynan Máskeý men Asta­na­daǵy Jeńis sherýine qatysý qur­metine ıe bolyp otyrsyzdar. “Esi­mi el júreginde saqtalǵan er ǵana baqytty”, demekshi, osy ataly sóz­ge laıyq barsha ardager jaýyn­gerlerge densaýlyq tileımin. Ur­paqtaryńyzdyń baqytyn kórińiz­der, – degen oblys ákimi olarǵa Qa­zaqstan Respýblıkasy Pre­zı­denti­niń Jarlyǵymen taǵaıyn­da­lyp, Uly Otan soǵysyndaǵy Jeńistiń 65 jyl­dyǵyna arnalǵan merekelik medaldardy tapsyryp, zor iltı­pat tanytty. Almaty oblysynan Máskeýdegi Jeńis sherýine maıdanǵa 1942 jyly shaqyrylyp, Moskva qala­syn qorǵaýǵa qatysqan,  I-shi dáre­jeli Otan soǵysy, “Halyqtar Dostyǵy” ordenderimen, birneshe me­daldarmen marapattalǵan ishki ister salasynyń general-maıory, taldyqorǵandyq Ábdiqadyr Bol­sambekov pen Qarasaı aýda­nynan kelgen I-shi Ýkraına maı­danynda urysqa qatysyp, erligimen tanylǵan, II-shi dáre­je­li Otan soǵysy, “Qyzyl Jul­dyz” ordenderimen mara­pat­talǵan Shamaı Qaınazarov baratyn boldy. Budan basqa 10 soǵys ar­da­geri  Otanymyzdyń bas qalasy Astanada ótetin Jeńis sherýi sapynda bolý qurmetine ıe bol­dy. Olardyń arasynda  otty jyldarda erlermen birdeı er­lik kórsetken qarataldyq Nına Qabdrahmanova, jambyldyq Sholpanqul Taranov, balqash­tyq Seıdahmet Ábdirásilov, eńbekshiqazaqtyq Joldyn Iman­qulov, shonjylyq Ábdi­jálel Sharıpov, talǵarlyq О́ken Nurǵojaev  bar. Kezdesýde Máskeýge bara­tyn  ardager jaýynger Shamaı Qaınazarov sóılep, búgingi tańda ózderine kórsetilgen qur­met­ke alǵysyn aıtty. Osyndaı jyly lebizdi Raıym­bek aýdanynan kelgen 91 jastaǵy Shoǵanbaı Musaev, oblystyq ardagerler keńesiniń tóraǵasy Egeýbek Dalbaǵaev, alakóldik Smadııar Sanııarov ta bildirdi. Merekelik kóńil-kúıdegi qart jaýyngerler Súıinbaı atyn­daǵy oblystyq fılar­mo­nııa ónerpazdarynyń konsertin tamashalap, keshkisin Astanaǵa attandy. Kúmisjan BAIJAN. Almaty  oblysy.