Zamanymyzdyń iri reformatorlarynyń biri Lı Kýan Iý elimiz Táýelsizdigin almaı turyp-aq, «Prezıdent Nazarbaev – keńestik saıasattaǵy jaryq juldyz, túrli respýblıkalar arasyndaǵy iri tulǵa. Qazaqstannyń 50 jastaǵy lıderi – belgili deńgeıde qatal, tájirıbeli, jedel sheshim qabyldaı alatyn adam.
Odaqtyń basqa respýblıkalarynyń ózi moıyndaǵan jyly shyraıly, talantty jáne tabandy basshy. Nazarbaev respýblıkany basqaryp turǵanda, Qazaqstannyń tabystarǵa jetý múmkindigi mol bolady», degen bolatyn. Lı Kýan Iýdyń aıtqany aına qatesiz keldi.
Iá, keńestik júıeden shyńdalyp, shıryǵyp shyqqan Nursultan Nazarbaev barlyq jınaǵan tájirıbesin, kúsh-jigerin óz eliniń, óz halqynyń ıgiligi úshin jumsady. Elbasy táýelsiz memleketimizdiń negizin qalady. Halqymyz úshin uly múmkindik – egemen el ataný baqytyn baıandy etýde barlyq jaýapkershilikti óz moınyna aldy. Almaǵaıyp kezeńnen, beınelep aıtqanda, «qulaý yqtımaldylyǵy joǵary jaman kópirden» Qazaqstandy aman-esen alyp ótip, óz elin órkendeý jolyna saldy.
Elbasy Nursultan Nazarbaev elimizdi saıası-ekonomıkalyq turǵyda jańǵyrtty. N.Nazarbaev Qazaqstandy qýatty ekonomıkasy bar, ýaqyt talap etken kez kelgen aýqymdy saıası reformalardy eńserýge qabiletti elge aınaldyrdy. Qazaqstandy damyǵan 50 memlekettiń qataryna qosyp, odan ári ozyq otyz eldiń ortasynan oryn alýǵa umtyldyrdy.
Elbasynyń eren eńbeginiń arqasynda shekaramyz shegendelip, ulttyq teńgemiz aınalymǵa endi, tilimiz, dinimiz, mádenıetimiz ben ata dástúrimiz qaıta jańǵyrdy, tarıhymyz túgendeldi. Ulttyq qor ultymyzdyń eńsesin kóterdi, Qazaqstan halqy Assambleıasy qurylyp, birligimiz bekemdeldi, jańa astana Arqa tósinde boı kóterdi, soǵan qarap halqymyz oı túzedi.
Táýelsizdik jyldarynda halyqtyń turmysyn jaqsartýǵa baǵyttalǵan baǵdarlamalar qabyldandy. Elge el qosylyp, alystaǵy aǵaıyn atajurtymen tabysty. «Qazaqstan-2030», «Qazaqstan-2050» strategııalyq josparlar, «Nurly jol», «Nurly jer», «Mádenı mura», «Rýhanı jańǵyrý» syndy baǵdarlamalar eldiń baǵyn jandyrdy. Iаdrolyq iri arsenaldan bas tartý, konfessııaaralyq kelisimdi nyǵaıtý Qazaqstannyń órisin keńeıtti, tartymdy elge aınaldyrdy.
Elbasynyń jastardy qoldaýy, bilim berý salasyna, ult saýlyǵyna erekshe kóńil aýdarýy elimizdiń tynysyn asha tústi. «Bolashaq» stıpendııasyn taǵaıyndaý, Nazarbaev zııatkerlik mektepterin, Nazarbaev Ýnıversıtetti ashý, medısınalyq klaster qurý, ǵaryshtyq baǵdarlama, «Astana» halyqaralyq qarjy ortalyǵyn qurý, Kaspııdiń quqyqtyq mártebesin aıqyndaý, munyń barlyǵy elimizdiń ıgiligi, Elbasy eńbeginiń jemisi.
N.Nazarbaevtyń kópvektorly syrtqy saıasaty, AО́SShK, TMD, ShYU, EAEO syndy uıymdardy qurýdaǵy bastamashyldyǵy, Álemdik jáne dástúrli dinder kóshbasshylarynyń sezin shaqyrýy, Qazaqstannyń bitimgerlik saıasatyn ilgeriletýi, EQYU-ǵa jáne BUU Qaýipsizdik Keńesine Qazaqstannyń tóraǵalyq etýi, «EKSPO-2017» halyqaralyq kórmesin uıymdastyrýy jáne taǵy basqalardyń barlyǵy Tuńǵysh Prezıdenttiń el Táýelsizdigi men halyq ıgiligi úshin jasaǵan ólsheýsiz qyzmeti.