Túrkııa prezıdenti Rejep Taıyp Erdoǵan eldiń qazynashylyq jáne qarjy mınıstri qyzmetine Nýreddın Nebatıdi taǵaıyndady. Jarlyqqa sáıkes, eldiń Qarjy mınıstrliginiń burynǵy basshysy Lýtfı Elvan otstavkaǵa ketti, dep habarlaıdy Egemen.kz.
Esterińizde bolsa, eldegi ortalyq banktiń negizgi mólsherlemeni tómendetý týraly kezekti sheshiminen keıin túrik lırasy quldyraı bastaǵan edi. Mınıstrliktegi aýy-túıis osy kezeńde jasaldy.
Lýtfı Elvan Túrkııanyń Qarjy mınıstrligin 2020 jyldyń qarashasynan beri Erdoǵannyń kúıeý balasy Berat Albaırak otstavkaǵa ketkennen keıin basqardy. 2015-2016 jyldary Elvan Túrkııa premer-mınıstriniń orynbasary boldy. Al Nýreddın Nebatı búginge deıin Qarjy mınıstriniń orynbasary bolyp kelgen.