3 jeltoqsannan bastap Qazaqstan men Egıpet arasyna qatynaıtyn ushaqtar toqtatylady, dep habarlaıdy Egemen.kz.
Mundaı sheshim Qazaqstan aýmaǵynda «omıkron-shtammnyń» paıda bolýyna jol bermeý maqsatynda qabyldandy.
Qazaqstan men Egıpet arasyndaǵy áýe qatynasyn Nur-Sultan, Almaty, Shymkent, Qostanaı jáne Aqtóbe qalalarynan Sharm-El-Sheıhke Air Astana jáne SCAT áýe kompanııalary júzege asyrǵan.
Avıakompanııalardyń aqparaty boıynsha, qazirgi ýaqytta Egıpette shamamen 2800 qazaqstandyq bar. Olar 3-10 jeltoqsan aralyǵynda Mysyrdan elge jetkiziledi.
Bas memlekettik sanıtarlyq dárigerdiń qaýlysyna sáıkes, Egıpetten kelgen qazaqstandyqtar elge ushyp kelgennen keıin koronavırýsqa qarsy vaksınasııanyń tolyq kýrsynyń bar-joǵyna qaramastan, QR Memlekettik shekarasyn kesip ótý sátinde 72 saǵattan erte emes jasalǵan PTR testiniń teris nátıjesi bar anyqtamany usynyp, mindetti túrde 7 kúnge oqshaýlanýy qajet.