Elordada QR Prezıdentiniń «Altyn sapa» syılyǵy jeńimpazdaryn marapattaý saltanaty ótip jatyr, dep habarlaıdy Egemen.kz.
Qazaqstan Respýblıkasy Prezıdentiniń 2006 jylǵy 9 qazandaǵy jarlyǵy boıynsha «Altyn sapa» syılyǵy konkýrstyq negizde talapker kásiporynnyń ónimi nemese qyzmet kórsetý sapasy men olardyń qaýipsizdigin qamtamasyz etý salasyndaǵy jetistikteri, sondaı-aq menedjment júıelerin engizgeni úshin beriledi.
Syılyq jyl saıyn úsh nomınasııa boıynsha úsh sanatta taǵaıyndalady. Olar: «О́ndiristik maqsattaǵy úzdik kásiporyn»;
«Halyq tutynatyn taýarlardy shyǵaratyn úzdik kásiporyn»;
«Azyq-túlik taýarlaryn nemese aýyl sharýashylyǵy ónimderin shyǵaratyn úzdik kásiporyn»;
«Qyzmet kórsetý salasyndaǵy úzdik kásiporyn».
Ár nomınasııa boıynsha mynadaı canattar boıynsha úsh júlde beriledi:
Shaǵyn kásipkerlik sýbektisi;
Orta kásipkerlik sýbektisi;
Iri kásipkerlik sýbektisi.
«Altyn sapa» syılyǵy baıqaýyna Qazaqstan Respýblıkasy aýmaǵynda qarý-jaraq jáne áskerı tehnıkalarynan basqa taýar óndirýmen, qyzmet kórsetýmen aınalysatyn, memlekettiń qatysý úlesi 50%-dan asatyn, ońaltý jáne bankrottyq rásimderdi júzege asyrýǵa jatqyzylǵan uıymdardan basqa jeke kásipkerler men zańdy tulǵalar qatysa alady.