Jaqynda Elbasy Nursultan Nazarbaev «Eldiktiń jeti tuǵyry» atty qaǵıdattar jıyntyǵyn tanystyrdy. Egemendiktiń otyz jyldyǵyna tuspa-tus kelgen bul jańa úndeý Qazaq eliniń jańa saıası baǵdaryn anyqtap, birligi men tutastyǵyn bekemdeıtin jańa qujatqa aınalmaq. Osy oraıda el ishinde atqarylǵan isterdiń barlyǵy berekeni arttyrýǵa, birlikti bekemdeýge baǵyttalyp otyrǵanyn aıtýymyz kerek.
Táýelsizdiktiń 30 jylynda jetken jetistigimiz men alǵan asýymyz az emes. Osy jolda memlekettiń qurylymdyq júıesiniń qalyptasýy jolynda aıanbaı eńbek etken Elbasy Nursultan Nazarbaevtyń qajyry men qaıraty búgingi kúnimizdiń jarqyn bolýy úshin jumsalǵanyn aıta ketýimiz kerek.
Bıyl jyl basynda Parlament Májilisi jáne barlyq deńgeıdegi máslıhat depýtattaryn saılaýǵa Jetisý jeriniń azamattary belsendi qatysyp, 360 depýtattyq mandatty qoldady. Olardyń árqaısysy ár partııanyń ókili sanalady. Atap aıtqanda 304 depýtat Nur Otan partııasynyń atynan halyq qalaýlysy atansa, «Aýyl» partııasynan – 32, «Aqjol» partııasynan – 7, Qazaqstan halyqtyq partııasynan – 15, «Adal» partııasynan 2 adam máslıhattan oryn aldy. Oblystyq máslıhattaǵy 45 depýtattyń 37-si Nur Otan partııasynyń, tórteýi «Aýyl» partııasynyń, tórteýi Qazaqstan halyqtyq partııasynyń atynan sóz sóılep, halyqtyń muń-muqtajyn jetkizip júr. Osynsha depýtattyń 14-i áıel bolsa, 8 depýtat 35 jasqa tolmaǵan. Mine, osy kórsetkishter elimizdegi demokratııalyq qadamdardy tanytsa kerek. Ásirese, Jetisý jerindegi jarııalylyq pen ashyqtyqtan habar beredi.
Qazirgideı qym-qýyt zamanda kez kelgen salanyń jumysyn bilikti maman, bilimdi qyzmetker jandandyratyny belgili. Bul eń aldymen jumys sapasyna áser etetini anyq. Sondyqtan Almaty oblysyndaǵy barlyq deńgeıli máslıhattardyń depýtattary negizinen qoǵamnyń tamyryn tanıtyndyǵymen, zamanaýı bilimdi meńgergenimen, árbir salanyń qıyndyǵy men tabysyn jetik biletindigimen erekshelenedi.
Jalpy, oblystyq máslıhatta 6 turaqty komıssııa jumys isteıdi. Turǵyn úı kommýnaldy sharýashylyǵy jáne qurylys máseleleri, Aýyl sharýashylyǵy, jer qatynastary, veterınarııa jáne ekologııa máseleleri, Ekonomıka, bıýdjet, quqyqtyq tártip, sybaılas jemqorlyqqa qarsy kúres, depýtattyq ókilettilikter men etıka máseleleri, ındýstrııalyq-ınnovasııalyq, kóliktik-logıstıkalyq damý, kishi jáne orta bıznesti, týrızm men sportty qoldaý máseleleri, densaýlyq saqtaý, bilim, halyqty áleýmettik qorǵaý jáne mádenıet máseleleri, din, til, etnosaralyq qatynastar, ishki jáne jastar saıasaty máseleleri boıynsha komıssııalar jyl basynan beri 12 otyrys ótkizip, 24 sheshimniń qabyldanýyna yqpal etti.Turǵyndardyń jaı-kúıi men muń-muqtajyn óz aýzynan estip, túıindi máseleni sheshýdiń joldaryn qarastyratyn depýtattar Nur Otan, «Qazaqstan halyqtyq partııasy», «Aýyl», «Aqjol», «Adal» partııalarynyń aýdandyq, qalalyq jáne oblystyq qoǵamdyq qabyldaý kabınetterinde qoǵamdyq qabyldaý ótkizip otyrady. Atap aıtqanda, barlyq deńgeıdegi máslıhattyń 360 depýtaty 693 adam kótergen máseleniń 391-iniń ońtaıly sheshilýine yqpal etti. Qalǵan 302 másele boıynsha tıisti túsinikteme berilip, baqylaýǵa alyndy. Negizgi mindeti – el-jurttyń muń-muqtajyn bılik nazaryna jetkizý. Sol arqyly máseleniń sheshilýin qamtamasyz etý bolǵandyqtan halyq qalaýlylary únemi turǵyndar men memlekettik organdar arasyndaǵy mámileni bekitip keledi.
Qazaq halqynyń basty ulttyq qundylyǵynyń biri – danalyq. Buǵan tereń maǵyna beretin bir aýyz sózben eldiń daýyn, erdiń qunyn sheshken halqymyzdyń maqal-mátelderi dálel. Sonyń birinde: «Adamgershilikke arnalǵan úsh saýap bar: shólge qudyq qazǵan bir saýap, ózenge kópir salǵan bir saýap, jolǵa aǵash ekken bir saýap» delinedi. Ras sóz. Obal men saýapty aıyra bilgen depýtattarymyz muqtajdarǵa qaıyrymdylyq jasaýdan tanǵan emes. Bıyl jyl basynan depýtattardyń qatysýymen 3003 adamǵa 87 mıllıon 578 myń 500 teńgeniń qaıyrymdylyq qyzmeti kórsetildi.
Janbolat JО́RGENBAEV,
Almaty oblystyq máslıhatynyń hatshysy