Qyrǵyzstan Tájikstanmen shekaradaǵy shıeleniske baılanysty shekarashylar qyzmetin kúsheıtti.
Qyrǵyz shekarashylarynyń málimeti boıynsha, senbide Qyrǵyzstannyń Damba men Maqsat aýyldarynyń mańyndaǵy shekarada Tájikstannyń áskerı kúshteri jınalyp, shekara beketteriniń birinde mınomet ornatqan. Osydan keıin kóp uzamaı Ekı-Tash aımaǵynda oq atylypty. Tájikstan azamattary qaqtyǵysty toqtatý úshin qyrǵyz shekarashylarynyń kólikterine tas laqtyrǵan.
Oqıǵadan keıin Qyrǵyzstan men Tájikstan shekara zastavalary basshylary kezdesti. Jaǵdaıdy turaqtandyrý maqsatynda qosymsha shekara narıadtaryn qoıý sheshimi qabyldandy. Tájik tarapy bul oqıǵaǵa qatysy bar adamdardy izdestirip jatqanyn habarlady.
Qazir jaǵdaı salystyrmaly túrde turaqty ekeni habarlandy. Qyrǵyz Respýblıkasy Ulttyq qaýipsizdik memlekettik komıtetine qarasty Shekara qyzmeti atalǵan aımaqtaǵy jaǵdaıdy óz baqylaýyna alǵan.