Batys Qazaqstan oblysynda «Oral qalasynyń tarıhy» atty jańa tanymdyq aqparattyq ınteraktıvti kitabynyń tanystyrylymy boldy.
Bul kitaptyń ereksheligi – tuńǵysh ret jańa tehnologııalarmen ınteraktıvti formatta jasalýy. Iаǵnı bul jınaqtaǵy shahar tarıhynyń ejelgi kezeńinen búginge deıingi aralyqtaǵy málimetter oqyrmanǵa IT-tehnologııalarǵa súıengen medıakontentpen berilgen. Dálirek aıtsaq, kitaptaǵy sýretter kenetten «tirilip» sóıleı jóneledi, murajaı eksponattary men eskertkishter 3D-formatta kóz aldyńyzǵa kele qalady. Interaktıvti fotosýretter, mátinderdiń orys jáne aǵylshyn tilderine aýdarmasy QR-kod boıynsha qaralady.
– Bul Oral qalasynyń tarıhy jaıynda shyqqan alǵashqy kitap emes. Qalanyń tarıhy týraly buǵan deıinde kóptegen eńbek jazyldy. Bul jınaqta biz shaharymyzdyń ár kezeńderde jaryq kórgen tarıhyn jınaqtap, taldap, shynaıy sıpatqa keltirdik. Sońǵy kezde arheologter tapqan Jaıyq qalashyǵy qazba jumystarynyń nátıjesinde 13 ǵasyrǵa deıingi kezeń qamtyldy. Osy ýaqytqa deıin qala bes tarıhı kezeńnen ótti. Táýelsiz Qazaqstan jaǵdaıynda Oral shaharymyz ári qaraı damı bermek, – dedi tarıh ǵylymdarynyń doktory, professor, akademık, redaksııa alqasynyń tóraǵasy Tuıaqbaı Rysbekov.
Batys Qazaqstan oblysy