Qazaqstan Prezıdenti Qasym-Jomart Toqaev Twitter-de Úkimetke Jańaózendegi jaǵdaıdy tolyq qadalaǵalaýda ustaýdy tapsyrǵanyn jazdy, dep habarlaıdy Egemen.kz.
«Úkimetke Jańaózendegi jaǵdaıdy ekonomıkalyq turǵydan eskerip, quqyqtyq jaǵynan tez arada qarastyrýdy tapsyrdym. Sherýge shyqqandar qoǵamdyq tártipti buzbaýy tıis», delingen Prezıdent jazbasynda.
Sondaı-aq Prezıdent: «Azamattardyń jergilikti jáne ortalyq bılik organdaryna talabyn ashyq aıtýǵa quqyǵy bar, biraq, bul zańǵa, naqtyraq aıtqanda, beıbit sherýler týraly zańǵa sáıkes júzege asyrylýy kerek» dep atap ótti.