«Toýota Alphard» avtokóliginiń júrgizýshisi qarama-qarsy jolǵa shyǵyp, Aqtóbe oblysynyń aýmaǵyndaǵy tas jolda qar tazalaıtyn júk kóligimen soǵysty, dep habarlaıdy Egemen.kz.
«3 qańtar kúni Alǵa aýdanyna qarasty Qaıyńdysaı aýylynyń janyndaǵy Samara-Shymkent avtojolynda «Toýota Alphard» avtokóliginiń júrgizýshisi Hobda aýyly mańynan Aqtóbe baǵytyna qaraı kele jatyp, qarsy jolǵa shyǵyp, qar tazalaıtyn «KamAZ» kóligimen soǵysty», delingen polısııa ókilderi taratqan aqparatta.
Jol-kóli oqıǵasy saldarynan «Toýota Alphard» avtokóliginiń 46 jastaǵy júrgizýshisi oqıǵa ornynda kóz jumdy. Odan bólek 5 jolaýshy, onyń ishinde eki bala Aqtóbeniń medısınalyq mekemelerine jatqyzyldy.