Aqparattar aǵyny

● Úkimettiń rezervi bıyl 45 mlrd. teńgege kóbeıtiledi. Ekono­mıka jáne bıýdjettik josparlaý mı­nıstri Erbolat Dosaevtyń aıtýyn­sha, ol 2014 jylǵa arnalǵan res­pýblıkalyq bıýdjettiń túsimderi 6 206,1 mlrd. teńge kóleminde nemese bekitilgen 5 773,7 mlrd. teńgelik bıýdjetpen salystyrǵanda 431,7 mlrd. teńgege ósýimen aıqyndalǵan. ● Arqalyq qalasynda jol­dar­dy qaıta jasaýǵa 170 mln. teńge bó­linip otyr. Qala ákimi Ǵazız Bek­mu­hamedovtiń baıandaýynsha, res­pýb­lıka monoqalalar tizimine engen eldi mekende qazirge deıin «Alıý­mınstroı» jáne «Tazartý-Arqalyq» serik­testikteri 49,7 mln. teńgege kó­shelerdiń tabandaryn aǵymdaǵy jóndeýden ótkizgen. ● Qyzylorda oblystyq proký­ratýrasy 10 kásiporyn­nyń jalaqy boıynsha qaryz­daryn óteýine sebepker boldy. Qańtar jáne aqpan aılarynda prokýrorlyq áreket etý sharalary barysynda osy eńbek mekemeleri 4311 qyzmetkerge 482,2 mln. teńge kólemindegi jalaqylaryn qaıtardy. Olardyń arasynda «Qyzylorda Avto Trans» JShS, «Impreza S.p.A.» AQ sekildi iri kompanııalar bar. ● Ońtústik ólkede bıyl da Naý­ryz merekesi toǵyz kúnge sozyl­ǵaly otyr. Oblys ákimi Asqar Myr­zahmetovtiń bastamasymen qol­ǵa alynǵan toı sharalary taǵy ataý­ly kúnder negizinde ótip, jalpy­halyqtyq merekeniń mán-mazmunyn ashýǵa qyzmet etpekshi. «Naýryz halqymyzdyń kóneden kele jatqan Naýryznama dástúrin zamanaýı úlgide qaıta jańǵyrtýǵa baǵyttalady», – delingen baspasóz baıanynda. ● Belgili kınorejısser Er­mek Tur­synovtyń jańa fılmi pro­­katqa shyǵady. Aldaǵy 20 naý­­ryz kúni tusaýkeseri ótkizi­letin «Kempir» atty bul komedııa Qaıyr­ǵalı jáne Kúlpash esimdi qos qa­rııa­nyń ómirlerinen syr shertedi. Re­jısserdiń aıtýynsha, onda turpaıy kórinister joq, oqıǵalar túgeldeı qazaqy kúlkige qurylǵan. ● Aqmola oblysynyń tilderdi damytý basqarmasyn jańa basshysy basqarady. Bul tizgindi qol­ǵa alǵan 31 jastaǵy Arman Ber­dalın esimdi saıasattanýshy maman eń­bek jolyn buqaralyq aqparat qural­darynda bastap, tilderdi damytý salasyna oıysqan. Al 2010 jyl­ǵy qyrkúıekten M.Jumabaev atyn­daǵy Aqmola oblystyq ámbebap kitap­hanasynda dırektor bolǵan. BNews.kz, Nur,kz, Egemen.kz habarlary boıynsha daıyndaldy.