Ustanymdar uqsastyǵy kóringen kongress

Eýropa halyqtyq partııasynyń (EHP) shaqyrýy boıynsha «Nur Otan» partııasy Tóraǵasynyń birinshi orynbasary Baýyrjan Baıbek bastaǵan delegasııa Dýblınde ótken XXII kongreske tuńǵysh ret qatysty. Eýropa halyqtyq partııasy jalpyeýropalyq konser­va­tıvtik sentrıstik saıası partııa bolyp tabylady. Búgingi tańda ol – Eýroodaqtyń bıleýshi saıa­sı partııasy. EHP Eýropa Oda­ǵynyń, sonymen qatar, Eýropa Keńesiniń barlyq saıa­sı ınstıtýttarynda ókildik ete­di. Partııa quramyna 40 el­diń ulttyq partııalary en­gen. Eýropa memleketteri men úki­metteriniń 21 basshysy, Eýropa komıssııasynyń 13 múshesi EHP múshesi bolyp tabylady. Kongress jumysyna 39 elden 2000-nan astam ókil keldi. Dýblınge kúlli Eýropa boıynsha EHP-ǵa múshe partııalar atynan de­legattarmen qatar, Eýropa Oda­ǵy ınstıtýttarynyń basshy­lary, memleket jáne úkimet bas­shy­lary, mınıstrler, ulttyq já­ne Eý­ro­pa parlamentarııleri jınaldy. Atalǵan sezd Eýropa Odaǵyn odan ári ınstıtýttandyrýdyń jańa kezeńin belgilep berdi. Sez­de alǵash ret Eýropa ko­mıs­sııasy Prezıdentiniń oryn­ta­ǵyna partııa atynan jalǵyz kandıdat saılandy. Kongress jumysy aıasynda B.Baıbek EHP Vıse-prezıdentteri Marıo Devıdpen jáne Germanııa Býndestagynyń vıse-prezıdenti Pıter Hınt­semen kezdesti. Son­daı-aq, Eýropa zertteýler ortaly­ǵy­nyń tóraǵasy Vernar Fassla­bendpen, Germanııa Hrıs­tıan-demokratııalyq odaǵy­nyń (HDO), ıaǵnı bıleýshi partııa­sy­nyń basshylyǵymen, EHP kósh­­basshylarymen kelissózder júrgizdi. Kezdesýler barysynda sen­­trıstik ıdeologııadaǵy eýro­palyq partııalarmen ynty­­maq­tas­tyqty tereńdetý máse­leleri talqylandy. «Qazaqstan Prezıdenti, «Nur Otan» partııasynyń Tóra­ǵasy N.Á.Na­zar­baevtyń «Qazaq­stan-2050» Strategııasy sheń­be­rin­de qoıǵan jańa strategııalyq min­­detteri «Nur Otannyń» strategııany júzege asyrýda saıası kóshbasshylyq júktelgen partııa retindegi rólin arttyryp otyr. Búgingi kúni «Nur Otan» saılaý­shylardyń múddelerine, azamat­tardyń ál-aýqatyn art­tyrýǵa kó­birek nazar aýdarý ar­qy­ly qo­ǵam­dy turaqtandyrý men birik­tirýdiń negizgi quraldarynyń birine aınaldy. Bizdiń partııalarymyzdy sentrıstik ıdeologııa men «Nur Otan» partııasynyń Doktrınasynda, sondaı-aq, Eý­ropa halyqtyq partııasynyń tuǵyr­namasynda belgilengen ortaq kon­ser­vatıvtik qundylyqtar birik­tiredi», – dep atap ótti B.Baıbek. Ekijaqty kezdesýler bary­synda B.Baıbek Qazaqstan Res­pýb­lıkasynyń ıntegrasııalyq úderisterge qatysýynyń joǵary mańyzyn atap ótti: «Memleket basshysy belgilegen ishki saıası kún tártibi áriptesterimizben ekijaqty múddeler turǵysynan teń dárejeli áriptestikke Qazaqstannyń ashyq ekendigin meńzeıdi. Biz úshin ınte­grasııalyq birlestikterge qaty­sý ekonomıkalyq qurylysy uq­sas úlken naryqqa jol ashyp, elimizge, onyń ishinde ınno­va­sııa­lyq óndiristi damytýǵa iri ınves­tısııalar tartýǵa múmkindik bere­di», – dedi «Nur Otan» partııasy Tóraǵasynyń birinshi orynbasary. «Egemen-aqparat».