«Qazposhta» AQ 2022 jyldyń 10 qańtarynda poshta bólimsheleri ınternet-baılanysy jumys istegen saǵattarynda zeınetaqy men járdemaqy berýdi shtattyq rejimde iske asyratynyn málimdedi, dep habarlaıdy Egemen.kz.
Taraz, Almaty 9-dan 15:00-ge deıin, Taldyqorǵan 10:00-den 15:00-ge deıin, QR boıynsha qalǵan bólimsheler zeınetaqy men járdemaqyny shtattyq rejimde beretin bolady. «Bankomattardy qolma-qol aqshamen toltyrý boıynsha jumystar bastalǵan. Osy oraıda Qazposhta klıentteri 10.01.2022j. bastap aqshany bólimshelerde, sondaı-aq bankomattardan sheshe alady. Sonymen qatar, «Qazposhtanyń» «Ońtústik» Aqparattyq-logıstıkalyq ortalyǵynyń Qazaqstan boıynsha magıstraldyq marshrýttardy iske qosyp jatqanyna baılanysty kompanııa 10 qańtardan bastap poshta jóneltilimderin qabyldaý men óńdeýdi qaıta bastaıdy», dep jazylǵan resmı habarlamada.