Eńbekaqy mólsheri ósýde

О́tken aqpan aıynda tól teń­gemizdiń AQSh dollary­na shaq­qandaǵy baǵamyna jasal­ǵan túzetýler Elbasy atap kórset­ken­deı makroekonomıkalyq jáne áleýmettik turaqtylyqty saqtaýǵa baǵyttalǵan. Sonymen birge, bul qadam elimizge quıylatyn ınvestısııalyq qarajattardyń kólemi artýyna, jumyspen qamtý isine qatysty máselelerdiń oń she­shimin tabýyna septigin tıgiz­bek. Sonyń nátıjesinde respýb­lıka azamattarynyń ál-aýqatyn kóterýge alǵysharttar qalanbaq. Osy arada BAQ-tarda dúrkin-dúrkin aıtylyp, jazylyp, kór­se­tilip qalyp júrgen bıznestiń áleý­mettik jaýapkershiliginiń bási de bıikteı túsedi. Qysqasy, qazir­gi tańda bıznes qaýymdastyǵy ókil­deriniń aldynda turǵan áleýmettik jaýapkershilik óte joǵary. Muny tereń túısiný otandyq bıznes ókilderiniń mártebesi men abyroı-bedelin odan ári asqaqtatary anyq. Búgingi kúni bıznestik baǵyt­ty ustanǵan birqatar batys­qazaq­standyq iri kásiporyn bas­shy­lary osyndaı mereıli min­det­tiń údesinen shyǵyp otyr­ǵany rızashylyq sezimin týǵyz­baı qoımaıdy. Olar ulttyq valıýta baǵamyna qatysty Memleket basshysy Nursultan Nazarbaev belgilep bergen mindetter men talaptardy tereń túsinistikpen qabyldady. Kásip­oryn jetekshileri tarapynan eńbekaqyny ústimizdegi jyldyń 1 naýryzynan bastap on paıyzǵa ósirý jóninde sheshim alynýy osy pikirimizdiń dáleli. Atap aıtqanda, Oral qala­syn­daǵy mundaı mereıli kásip­oryndardyń qatarynda «Zenıt» Oral zaýyty AQ-pen «Iýnıserv», «Oral mehanıkalyq zaýyty» jáne «Kvant» jaýapkershiligi shekteýli seriktestikteri bar. Sony­men birge Oral óńirindegi «Ome­ga» prıbor qurý zaýyty AQ jáne «KazTrýbProm» men «Jaıyq munaı» JShS sekildi irgeli kásiporyndar da 2014 jyl­dyń 1 sáýirinen bastap óz jumys­shy qyzmetkerleriniń jala­qysyn ósirý jóninde sheshim qabyl­daǵandaryn málimdedi. Sóıtip, bıylǵy jyldyń alǵashqy aılarynda aımaqtaǵy bıznes salasynda istep júrgen úsh myńǵa jýyq adamnyń aılyǵy ósirilmek. Osy oraıda Batys Qazaqstan oblysynyń ákimi Nurlan Noǵaev gazet tilshisine óz oı-pikirin bylaısha jetkizdi. – Munyń bári búgingi kún­niń qajettiligi. Árıne, aldaǵy ýa­qytta áleýmettik mańyzy bar taýarlar men kommýnaldyq tólem­derdiń baǵasy retsiz ári jónsiz kóterilmeýi úshin biz barlyq tut­qa­­lardy qoldanatyn bolamyz. Alaıda, búkil istiń sheshimin tek osymen shekteı salýǵa bolmaıdy. Bul máseleniń tek bir qyry ǵana. Onyń ekinshi jaǵy budan da góri mańyzdy dep sanaımyn. Ony tek bıznes-qaýymdastyǵy ókilderi ǵana oń sheshe alady. Bul eńbek ónimdiligin kóterý úshin adamdardy materıaldyq jaǵynan yntalandyrý degen sóz. Belsendi azamattyq jáne basshylyq ustanym­nyń qa­jet jeri de osy. El-jurt aldyn­daǵy áleýmettik jaýap­kershi­lik­ti tek osyndaı tásil­der­men kóterý­ge bolady. Iá, qazir tu­tastaı oblys boıynsha alǵan­da tu­raqty ekonomıkalyq ósim men dı­namıkalyq damý qarqy­ny baı­qalyp otyr. Osy faktor kásip­oryn qyzmetkerleriniń eń­bek­aqy­laryn ósirýge negiz bola alady. О́ńir­de ózge de bıznes-qury­lym­dar óz ujymdarynyń taby­syn arttyrýǵa múddeli dep senemin. Temir QUSAIYN, «Egemen Qazaqstan». Batys Qazaqstan oblysy.