Aqtóbedegi jappaı tártipsizdik kezinde kóshelerde tonaý faktileri tirkelgen joq. Alaıda oblys ákimdiginiń ǵımaraty zardap shekti, keltirilgen shyǵyn shamamen 300 mln teńgeni qurady. Bul týraly tikeleı efır barysynda oblys ákiminiń orynbasary Rýslan Qambarov aıtty, dep habarlaıdy Egemen.kz.
4 qańtarda narazylyq bildirýshiler Aqtóbe oblysy ákimdiginiń ǵımaratyn basyp alyp, ishindegi baǵaly zattardy alyp ketken.
«Aqtóbe oblysynda bir ǵana ǵımarat zardap shekti. Ol – oblys ákimdiginiń ǵımaraty. О́zderińiz bilesizder, buzaqylar basa-kóktep kirip, táýlik boıy oılaryndaǵysyn júzege asyrdy. Biz baǵalap otyrǵan aldyn ala shyǵyn shamamen 300 mln teńge. Negizinen noýtbýkter, kompıýterler, beınekameralar tonaldy. Baǵalaý jumystary júrgizilýde, birneshe baǵalaý kompanııalary jumys isteýde, kelesi aptada shyǵyn somasyn naqty biletin bolamyz», dedi R. Qambarov.
R. Qambarov buzaqylarǵa tosqaýyl qoıǵan polısııaǵa, sondaı-aq úıde qalǵan azamattarǵa alǵysyn bildirdi.