Dátke qýat deıtinimiz, jappaı tártipsizdik kezinde Almatydaǵy azyq-túlik óndiretin kásiporyndar zardap shekken joq. Qazir birinshi kezekte qalada azyq-túlik qaýipsizdigin qamtamasyz etý jumystary júrip jatyr.
Almaty qalalyq HQO-lary 11 qańtardan bastap qyzmet kórsete bastady. Klıentterge pasport pen jeke kýálik rásimdeý, kóshi-qon qyzmetterinen ózge barlyq memlekettik qyzmet qoljetimdi. Biraq elimizdegi barlyq mamandandyrylǵan HQO-lar jumysy toqtap tur. О́kinishke qaraı, ázirge IIM Ákimshilik polısııa komıtetiniń qyzmetkerleri basqa mindetterdi oryndaýǵa baǵdarlanǵandyqtan, avtokólik ıelerine mamandandyrylǵan HQO-lar men Mıgrasııalyq HQO-da qyzmet kórsetilmeıdi.
Eń bastysy, qaladaǵy «Aqsaınan», «Almatynan» men «Rýzınan» naýbaıhanalary kúnine 80 tonnaǵa jýyq áleýmettik nan pisiredi. Nannyń baǵasy burynǵy qalpynda qalǵanymen, deldaldar ony qoldan ósirip otyrǵany baıqalady. Bakaleıa ónimderiniń iri jetkizýshisi «As-An» fırmasy» JShS kúnbaǵys maıy, qant, tuz, makaron, kúrish, arpa, undy saýda jelilerine jetkizýdi jańartty. Sút ónimderin shyǵaratyn «Solnechnyı» JShS, «AdalSút» JShS jáne «JLC» JShS, «Fýd Master» JShS, RG Brands taýarlaryn shtattyq rejimde jetkizip jatyr. «Alsad Qazaqstan» JShS men «Alataý Qus» JShS qoımalarda jumyrtqa qorynyń jetkilikti kólemi bolǵandyqtan, barlyq saýda jelileri men iri dúkender jetkizilimmen qamtylǵan. 11 qańtardan bastap ÁKK-niń 20 pavılony jumys isteı bastady, 2 pavılon zardap shekti. Sol sııaqty «Magným» jelisimen kelisimshart jasalǵan kókónister kólemin jetkizý jolǵa qoıyldy.
Almatyda 970 dárihana bolsa, onyń 407-si jelige jatady. Sońǵy kúnderi 277 dárihana jumysqa qosylsa, onyń ishinde 138 jelilik jáne 139 jeke dárihana bar. Jedel málimetter boıynsha, 15 dárihana zardap shekken. Qala dárihanalaryna dárilik zattar men medısınalyq maqsattaǵy buıymdardy jetkizýdi «Medservıs», INKAR, «Amanat» 3 iri farmkompanııasy júzege asyrady. 10 qańtardaǵy jaǵdaı boıynsha «Medservıs» kompanııasy 40 293 birlik kóleminde DZ-nyń 1 070 túrin tıep jóneltken, «Amanat» kompanııasy 203 700 birlik kóleminde DZ-nyń 2 040 túrin tıep jetkizgen. Basqa iri jetkizýshiler 11 qańtardan bastap qala dárihanalarynyń tapsyrystary boıynsha DZ jáne MMB jetkizýdi bastaıdy.
Shaharda jol ınfraqurylymyn qalpyna keltirý jumystary jalǵasyp jatyr. Jol qozǵalysyn retteýdiń tehnıkalyq quraldaryn qalpyna keltirý jumystaryn 13 brıgada júrgizedi. 46 baǵdarsham nysany zaqymdandy, 38-i qalpyna keltirildi, onyń 5-i ýaqytsha syzba boıynsha. Sondaı-aq 120 jol belgileri búlingen, onyń 96-sy qalpyna keltirilgen. Kóshe-jol jelisi boıynsha qalpyna keltirý jumystaryn 4 jol brıgadasy atqaryp jatyr. 90 sharshy metr tósem, 120 metr jıek jáne 37 jol lıýgi qalpyna keltirildi. Tas tósemdi qalpyna keltirýdi 13 qańtarǵa deıin aıaqtaý josparlanǵan. Eki brıgada mashınalar men ot jaǵatyn jerlerde jol jabynyn tazartýǵa kiristi. Sonymen qatar aıaldama pavılondary da búlingen. Barlyǵy 43 pavılon zaqymdalyp, 17-iniń áınekteri túgel synǵan. Jeke kompanııalar da qalpyna keltirýge kiristi, búginde 2 pavılon jóndeldi.
Aldyn ala esep boıynsha 100-ge jýyq velosıped joǵalǵan, 220-sy jóndeýdi qajet etedi, 20 stansa búlingen. Jóndeý, qalpyna keltirý jumystary bastaldy, sondaı-aq zalaldy baǵalaý jumystary júrip jatyr.
Dúısenbiden bastap saýda nysandary ashylýda. Almatyda barlyǵy 52 bazar bar. Bıylǵy 10 qańtarda 10 bazar ashyldy Qalǵan azyq-túlik jáne azyq-túliktik emes bazarlar búgin jumysyn bastaıdy. Zardap shekken nysandar anyqtalǵan joq.
Qala boıynsha 220 AJQS-nyń 121-si (55%) ashyldy. Polısııa departamentimen birlesip obektilerdiń qaýipsizdigi qamtamasyz etiledi. 13 qańtardan bastap qosymsha 33 jelilik emes jeke AJQS (15%) jáne 5 jelilik AJQS (2%) ashý josparlanyp otyr. TJ kezinde 61 nysan (28%) zardap shekti, onyń 1-eýi (Alataý aýdany, Rysqulov aýmaǵy, Shkolnaıa aýmaǵy) tolyǵymen janyp ketti, 15-i qatty zardap shekti, 45-i ishinara zardap shekti.
Almaty qalasynda 92 iri saýda nysany bolsa, onyń 63-i saýda ortalyqtary men saýda úıleri. 12 qańtardan bastap 6 SOO ashylýǵa daıyn. 14 nysandy qaıtadan kúrdeli jóndeýden ótkizip, jańartýǵa týra keledi. «Esentaı moll» jáne «Mega Alma-Ata», Rozybakıeva), «Mega Park» (Seıfýllın) qaladaǵy jaǵdaıdyń turaqtanýyn kútip otyr
Almaty qalasynda 3,1 myń qoǵamdyq tamaqtaný orny bolsa, meıramhanalar sany – 699, kafeler – 1 356, barlar – 567 jáne 478 ashana men jyldam tamaqtaný oryndarynyń 312-si saǵat 09.00-den 18.00-ge deıin ǵana ashyldy. 2022 jylǵy 11 qańtardan bastap taǵy da 450 qoǵamdyq tamaqtaný nysanyn (qalǵan jelilik jáne jeke-dara) ashý josparlandy. Búlikshiler qolynan barlyǵy 15 qoǵamdyq tamaqtaný orny zardap shekti.
Almatyda ónerkásip nysandarynyń da jumysy qalpyna keltirilýde. Búgingi tańda 120 kásiporynnyń 76-sy jumys isteıdi. 44 kásiporyndy 11-19 qańtar aralyǵynda iske qosý josparlanyp otyr. Destrýktıvti tulǵalardyń áreketterinen 2 kásiporyn – «BRB APK» JShS jáne «Lıbella Bottlers» zardap shekti, zalal eseptelinip jatyr.
Qalada 12 qańtardan bastap barlyq marshrýt, onyń ishinde qala mańy marshrýttary da jolǵa shyqty.
ALMATY