Shamshyraq

Búgingi kúnniń bir talaby – óndiris ornyn ashyp, tabys tabýmen qatar kásipkerlerimiz ózderi óndirgen otandyq ónim sapasyn arttyryp, el mereıin ústem etý. «Qazaqstan-2050» Strategııasy aıasynda Almaty oblysy, Jambyl aýdanynyń kásipkerleri osy údeden shyǵyp, atalǵan aýdannyń jaǵrafııalyq ornalasý yńǵaılyǵyn utymdy paıdalana bilýde. Naqtylaı tússek, dál irgesindegi, ıaǵnı eli­mizdegi eń iri megopolıs – Almaty qalasyndaǵy saýda oryndaryna shyǵaryp satý úshin elektr jaryǵyn beretin san alýan lampalardy eki tarapqa da tıimdi baǵamen tutastaı ótkizý jolyn ınvestorlaryna dáleldep, iri mólsherde qarajat tarta bildi. Sóıtip, Túrkııanyń «Teksan Aydinlatma Dis Ticaret Ltd Sirketi» kompanııasynyń álemge tanymal 5000 túrli elektr jaryǵyn beretin lampalarynyń 174 túri Jetisý jerinde óndirilip, rynok­qa shyǵarylǵan edi. Endi Jambyl aýdanynyń ákimi Mahabbat Bı­geldıevtiń qamqorlyǵymen ón­diris ornynyń jer telimi keńeı­tilip, zańnama sheńberinde áreket etken zaýyt elektr jary­ǵyn be­retin lampalardyń 1000 tú­rin shyǵarýǵa múmkindik al­dy. Jalpy, jetisýlyq zaý­yt ónimi sapalylyǵymen bir­­ge únemshildigimen hám zama­na­ýı­lyǵymen, jaryq­ty­ǵymen erek­shelenedi. Taǵy bir aıta keter aq­parat, álemdik deńgeıde joǵary jetistikke jetken kompanııanyń fılıaly bolyp el zańnamasyna sáıkes Almaty oblysy, Jambyl aýdandyq ádilet departamentinde «Teksan Qazaqstan Invest» JShS 2011 jyldyń 20 qazanynda zańdy tulǵa retinde memlekettik tirkeý týraly qujat alǵan. Bul anyqtama da biraz jaıtty ańǵartsa kerek. «Mahabbat Bıgeldıev Jam­byl aýdanyna ákim bolyp ta­ǵaıyndalǵan bir jyldan astam ýaqyttan beri turǵyndarmen birlese birqatar sharýanyń basyn qaıtardyq deýge negiz bar. Osyǵan deıin óndiris ornynda 135 adam jumys istese endi óndiris ornyn keńeıtip soǵan oraı qosymsha tartylatyn ınvestısııa kólemin ósirip 200 adamdy turaqty ju­mys­pen qamtamasyz etemiz. Eń tómengi aılyq jalaqy 45000 teńge bolady. Tájirıbeleri tolysyp, eńbek sapasyn arttyrǵan ju­mysshyǵa elý-alpys myń teń­gege deıin aılyq jalaqy tóle­netini óz aldyna. Zaýytqa kór­shi aýyldardan qatynap eń­­bek etetin jumysshylarǵa arnaıy avtobýs bólingen. Bar­lyǵy jumys kıimimen tolyq qam­ty­lyp, táýligine eki ret tegin ta­maq­tandyrý da zaýyt esebinen ótelýde», dedi «Teksan Qazaqstan Invest» JShS bas dırektorynyń orynbasary Jóken Aıataev. «Jalpy, elektr jaryǵyn be­retin lampalardy shyǵaratyn zaýytymyzǵa qajetti temir Qa­raǵandydan arnaıy ólshemder boıynsha kesilip jetkizilse, qud­dy burshaq ispetti jelim ónimderi Taıvannan ákelinedi. Eki jarym jyldan beri óndiris ornyn­da qajettiliktiń barlyǵyn ótep turǵan qural-jabdyqtar Ja­ponııa, Germanııa, Túrkııa mem­leketterinen alynyp, ornatyldy. Bul qondyrǵylardy basqarýdy qazaqstandyq jumyskerlerge jan-jaqtyly úıretý úshin shetelden kelisimshart boıynsha 4 maman kelgen edi. Búginde olar 20 adamdy jumys barysynda oqytyp ta, úıretip te óz oryndaryna daıyndaýda. Mine, sol 20 maman kókeılerine túıip-bilgenderin ózge jumysshylarǵa birtindep úıretýde. Shetelden ákelingen sapaly quraldarmen burshaq ispetti túıirshiktelgen túrinde qapqa salynyp jetkiziletin jelimderdi balqytyp, qajetti qalypqa saı ólshep quıyp, san alýan mól­sher­degi temirlerge bekitip 174 túrli elektr jaryǵyn beretin shamdar shyǵarýdamyz. Shyǵarylǵan ónimdi menedjerler tapsyrys boıynsha kelisilgen oryndarǵa jetkizip beredi. Aıta keter taǵy bir jaıt, osyǵan deıin zaýytymyzda óndirilgen 174 túrli elektr jaryǵy lam­palarynyń uzyn sany endi «Qazaqstan-2050» Strategııasyna sáıkes, 1000 túrge jetkiziletin boldy. Halyqaralyq talapqa saı oqyp, biliktilikterin kótergen mamandardyń tekserýlerinen ótken soń, ónimniń tıesili jerine zaýyt belgisi basylyp, belgili ýaqytqa deıin jaramdylyǵyn tanytatyn kepildik beriledi. Eger myńnyń biri jazataıym jaramsyz bolyp jatsa saraptamalyq mekeme tekserýinen ótken soń, zaýyt kemshiliginen ketken ónim qolma-qol zattaı almastyryp beriledi. Shyny kerek, qazirge aıta qoıarlyqtaı kemshilik jiberilgen joq. Oǵan zaýyt ónimderine suranystyń kúnnen-kúnge artýy dálel bolady», dedi «Teksan Qazaqstan Invest» JShS bas ınjener-elektrıgi Nurmuhan Mádelıev. Negizi Qasymbek, Uzynaǵash, Myńbaı, Fabrıchnyı, Úshqońyr aýyldary turǵyndarynyń basym bóligi atalǵan zaýytta jumys isteıdi. Jambyl aýdanynyń ákimi Mahabbat Bıgeldıevtiń únemi nazarynda ustap, qoldaýymen salynǵan zamanaýı balabaqshaǵa balalaryn erteletip aparyp kirgizgen soń, arnaıy avtobýspen óndiris ornyna kelip jumysyna kirisedi. Ýaqyt talabyna saı zeınetaqy qorlaryna da tıesili mólsherde óz qarajattary aýdarylyp, erteńgi kúnge degen senimderin nyǵaıta túskeni taǵy bar. Qurban aıt, Oraza aıt, 22 naýryz jáne taǵy basqa merekelerdiń barlyǵynda zaý­yt jumysshylaryna syılyqtar taratý dástúrge aınalǵan. Qoryta aıtqanda, óńir ekonomıkasyn damytqan ústine damyta túsip, eldiń áleýmettik jaǵdaıyn jaq­sartý  jambyldyqtardyń basty ustanymyna aınalǵan. Nurbol ÁLDIBAEV, «Egemen Qazaqstan». Almaty oblysy, Jambyl aýdany.