Almaty qalasynda órtengen jáne tıgen oqtan qańqasy ǵana qalǵan 140 kólik aıyppul turaǵynda tur, dep habarlaıdy Egemen.kz.
Shahar boıynsha qutqarý qyzmetiniń bastyǵy Beısenǵalı Júnisovtyń málimetinshe, 47 kólik órtendi, 48 kólik tıgen oqtardan búlingen, taǵy 17-si qaraqshylyq shabýylǵa ushyraǵan. Sondaı-aq 40 kólik quqyq qorǵaý organdaryna tıesili.
Kókjıektegi aıyp turaǵynan «Gelendvagen», «Leksýs» jáne «Mersedes», sondaı-aq búlikshiler basyp alǵan áskerı júk kólikterin de kórýge bolady.
«Keıbir kólikterdiń ıeleri keledi, alyp ketkisi keledi. Biraq tergeý aıaqtalǵansha biz olardy bere almaımyz», deıdi Beısenǵalı Júnisov.