Qýanysh Sultanovtyń tóraǵalyǵymen Qazaqstan Respýblıkasy Prezıdentiniń janyndaǵy Adam quqyqtary jónindegi komıssııanyń keńeıtilgen otyrysy bolyp, onda Ishki ister mınıstrliginiń sottalǵandardyń konstıtýsııalyq quqyqtaryn jáne olardy túzeý mekemelerinde ustaýdy qamtamasyz etýdegi qyzmeti týraly másele talqylandy.
Berilgen taqyrypta Ishki ister mınıstri Qalmuhanbet Qasymov baıandama jasady. Komıssııa otyrysynyń jumysyna bıliktiń zań shyǵarýshy, atqarýshy jáne sot tarmaqtarynyń ókilderi, quqyqtanýshy ǵalymdar, advokattar, halyqaralyq jáne úkimettik emes quqyq qorǵaý uıymdarynyń, jurtshylyqtyń jáne BAQ ókilderi qatysty.
Komıssııanyń otyrysynda sottalǵandardyń Qazaqstan Respýblıkasynyń Konstıtýsııasy men Qylmystyq-atqarý kodeksinde, Azamattyq jáne saıası quqyqtar týraly halyqaralyq paktide, Azaptaýlarǵa jáne basqa da qatygez, adamgershilikke jatpaıtyn jáne ar-namysty qorlaıtyn is-áreketter men jazalaý túrlerine qarsy konvensııada, sondaı-aq, elimizdiń basqa da halyqaralyq mindettemelerimen kepildik berilgen quqyqtarynyń saqtalýy talqylandy.
Komıssııa músheleri sottalǵandardyń orta bilim alý jáne densaýlyǵyn qorǵaý, jeke qaýipsizdigi men óz quqyqtaryn qorǵaý maqsatynda tıisti memlekettik organdarǵa, halyqaralyq uıymdarǵa júginý konstıtýsııalyq quqyqtarynyń saqtalýy máselelerine erekshe kóńil bóldi.
Komıssııa Qylmystyq-atqarý komıtetiniń qylmystyq-atqarý mekemeleriniń negizgi qorlary men óndiristik bazalaryn jańartýǵa, bostandyqtan aıyrýǵa balamaly jazalaý túrlerin keńinen paıdalanýǵa jaǵdaı jasaýǵa, túrmedegi adamdardyń eńbekpen qamtylýyn jáne qamaýdan bosaǵan azamattardyń áleýmettik ortaǵa qaıta beıimdelýin qamtamasyz etýge baǵyttalǵan usynystaryn qoldaýǵa berik nıet tanytty.
Komıssııanyń otyrysynda túrmede otyrǵan adam sanyn meılinshe azaıtýdyń ózekti máseleleri de talqylandy.
Komıssııanyń joǵaryda atalǵan problemalardy sheshý jónindegi usynystardy qamtıtyn usynymdary Memleket basshysynyń, Qazaqstan Respýblıkasy Parlamenti men Úkimetiniń nazaryna jetkiziletin bolady.
«Egemen-aqparat».