Oblystyq ishki ister departamenti uıymdasqan qylmyspen kúres basqarmasynyń qyzmetkerleri «Aqtóbe – Astrahan» tas jolynyń boıynda memlekettik tirkeý nómiri joq tirkemeli «KamAZ» avtosısternasyn toqtatty. Sóıtse, Embi qalasynyń 38 jastaǵy turǵyny eshqandaı qujatsyz munaı tasymaldap kele jatyr eken. Sol kezde ustalatynyn bilgen ol lezde iz jasyryp úlgerdi. Budan keıin oǵan qatysty aldyn alý sharasy retinde tutqyndaý amaly qarastyryldy.
Bul derek boıynsha qylmystyq is qozǵaldy. Kóp uzamaı álgi kúdikti qolǵa tústi. Ustalǵan kúdiktiniń munaıdy zańsyz tasymaldaǵany úshin qylmys jasaý quraly bolyp tabylatyn múlki tárkilenip, eki jyldan úsh jylǵa deıin bas bostandyǵynan aıyrylýy múmkin.
Aqtóbe oblysy.