El basyna kún týyp, er etigimen sý keship, at aýyzdyǵymen sý ishken qıyn-qystaý jyldary Jambyl oblysynan maıdanǵa 120 myńnan astam azamat, ıaǵnı óńirdegi ár tórtinshi adam soǵysqa attanypty. Solardyń ishindegi 32 myńnan astamyna týǵan jer topyraǵyn qaıta basý jazbapty.
Búginde Baýyrjan Momyshuly, Sádý Shákirov, Aǵadil Sýhambaev, Taıyr Tastandıev, Ybyraıym Súleımenov, Amantaı Dáýletbekov, Nurolla Fazlaev, Nıkolaı Belashov, Vladımır Savva, Sattar Estemisov sııaqty dańqty jerlesteriniń esimderin jambyldyqtar maqtanyshpen eske alady.
Jeńis merekesinde oblys ákimi Qanat Bozymbaev turǵyn úı jaǵdaıyn jaqsartýǵa kezekte turǵan Uly Otan soǵysynyń 27 ardagerine Taraz qalasynan paıdalanýǵa berilgen jańa páterlerdiń kiltin saltanatty jaǵdaıda tapsyrdy.
Kósemáli SÁTTIBAIULY.
Jambyl oblysy.