Úkimet otyrysynda QR Ulttyq ekonomıka mınıstri Álibek Qýantyrov Qazaqstannyń batys óńirlerin keshendi damytýdyń josparyn tanystyrdy, dep habarlaıdy Egemen.kz.
«Aqtóbe, Atyraý, Batys Qazaqstan, Mańǵystaý oblystaryn áleýmettik-ekonomıkalyq damytýdyń keshendi josparlarynyń jobalary usynylyp otyr. Prezıdenttiń tapsyrmasyn oryndaý úshin Aqtóbe jáne Batys Qazaqstan oblystaryn damytýdyń 2022-2025 jyldarǵa arnalǵan jańa keshendi josparlary daıyndaldy. Sonymen qatar Atyraý jáne Mańǵystaý oblystaryn damytýdyń 2021-2025 jyldarǵa arnalǵan keshendi jospary pysyqtaldy», dedi mınıstr.
Mınıstr batys óńirlerin damytýdyń 4 keshendi josparyn qarjylandyrýdyń jalpy kólemi 15,3 trln teńge, onyń ishinde respýblıkalyq bıýdjetten – 1,7 trln teńge quraǵanyn atap ótti.
«Mınıstrlik, ortalyq memlekettik organdarmen, ákimdiktermen birlesip, óńirlerdiń áleýmettik-ekonomıkalyq damýyna jáne turaqty jumys oryndaryn qurýǵa tikeleı jáne janama mýltıplıkatıvtik áserlerdiń joǵary áleýeti bar jobalardy irikteý boıynsha jumys júrgizdi», dedi ol.
Aqtóbe oblysynyń keshendi jospary 92 satyny quraıdy. Jospardy iske asyrýdyń jalpy somasy 1,7 trln teńge, onyń ishinde respýblıkalyq bıýdjet – 343,3 mlrd teńge, jergilikti bıýdjet - 165,6 mlrd teńge, jeke ınvestısııalar - 1,2 trln teńgege teń. Al Batys Qazaqstan oblysyn damytýdyń keshendi jospary jalpy somasy 2,6 trln teńgeni quraıtyn 116 is-sharamen tolyqtyrylǵan. Onyń ishinde respýblıkalyq bıýdjet – 416,1 mlrd teńge, jergilikti bıýjet – 117,8 mlrd teńge, jeke ınvestısııalar – 2,1 trln teńge. Atyraý oblysyn damytýdyń keshendi jospary jalpy somasy 8,9 trln teńge bolatyn 185 is-sharadan turady. Onyń ishinde respýblıkalyq bıýdjet – 535,8 mlrd teńge, jergilikti bıýdjet – 112,6 mlrd teńge, jeke ınvestısııalar – 8,3 trln teńge teńge. Mańǵystaý oblysyn damytýdyń ózektilendirilgen keshendi jospary jalpy qarjylandyrý kólemi 2,1 trln teńgeni quraıtyn 226 is-sharadan turady. Onyń ishinde respýblıkalyq bıýdjet – 375,2 mlrd teńge, jergilikti bıýdjet – 117,9 mlrd teńge, jeke ınvestısııalar - 1,6 trln teńge.