Shaǵyn jáne orta bıznes sýbektilerine keltirilgen zalaldy óteýge arnalǵan ótinimderdi qaraý jónindegi óńirlik komıssııalar kásipkerlerden túsken ótinimderdi belsendi túrde qarap jatyr, dep habarlaıdy Egemen.kz.
Bıylǵy 31 qańtardaǵy jaǵdaı boıynsha «InfoKazakhstan.kz» elektrondyq platformasy arqyly Almaty, Shymkent qalalarynan, Almaty, Jambyl, Shyǵys Qazaqstan, Aqtóbe jáne Batys Qazaqstan oblystarynan zalaldy óteýge 2000-nan astam ótinim berildi.
Zalaldy óteý tetigi ótinimderdi ońaılatylǵan tártip boıynsha jáne sot saraptamasynyń qorytyndylary negizinde ótinish berýshiniń qalaýy boıynsha qaraýdy kózdeıdi. Almaty qalasynda saraptamalardy jedel júrgizý úshin 33 sarapshy jumys isteıdi, 68 sot sarapshysynan turatyn qosymsha rezerv quryldy.
О́ńirlik komıssııalardyń jumysy aıasynda oń sheshimder qabyldandy, alǵashqy ótemaqylar ótinish bildirgen bıznesmenderdiń esepshottaryna aýdaryldy. Máselen, Almaty qalasynda 17 kásipker jalpy somasy 33 mln teńgege tólem aldy.
Úkimet bıznestiń qyzmetin qalpyna keltirý maqsatynda olarǵa keltirilgen zalaldy jedel óteý jónindegi jumysty odan ári jalǵastyrady.