Memleket basshysynyń Jarlyǵymen Erbolat Asqarbekuly Dosaev Almaty qalasynyń ákimi bolyp taǵaıyndaldy, dep habarlaıdy Egemen.kz.
«Erbolat Asqarbekuly Dosaev Almaty qalasynyń ákimi bolyp taǵaıyndalsyn, ol Qazaqstan Respýblıkasy Ulttyq Bankiniń Tóraǵasy laýazymynan bosatylsyn», delingen Memleket basshysynyń Jarlyǵynda.
Erbolat Asqarbekuly 1970 jyl Almaty qalasynda dúnıege kelgen.
1987 jyly Almaty qalasynyń Respýblıkalyq fızıka-matematıkalyq mektep-ınternatyn bitirgen.
Almaty energetıkalyq ınstıtýtyn, Baýman atyndaǵy Máskeý memlekettik tehnıkalyq ýnıversıtetin támamdaǵan.
1997 jyly «Turan Álem Banki» JAQ basqarma tóraǵasynyń orynbasary, «ATF Bank» JAQ basqarma tóraǵasy laýazymyn atqarǵan;
1998 jyly QR Premer-Mınıstriniń keńesshisi qyzmetin atqarǵan;
1998 jyly QR energetıka, ındýstrııa jáne saýda vıse-mınıstri laýazymyn atqarǵan;
2000 jyly – Qazaqstan Respýblıkasy Qarjy vıse-mınıstri;
2001 jyly Qazaqstan Damý banki Dırektorlar keńesiniń tóraǵasy bolǵan;
2001–2003 jyldary QR Tabıǵı monopolııalar, básekelestikti qorǵaý jáne shaǵyn bıznesti qoldaý agenttiginiń tóraǵasy retinde qyzmet atqarǵan;
2003–2004 jyldary – QR qarjy mınıstri; Qazaqstandaǵy Eýropalyq qaıta qurý jáne damý bankiniń basqarýshysy; QR Ulttyq Bankiniń basqarma múshesi;
2004–2006 jyldary – QR densaýlyq saqtaý mınıstri;
2006–2012 jyldary «Qazınvestbank» AQ Dırektorlar keńesiniń tóraǵasy;
2012 jylǵy 25 qyrkúıekten bastap – QR ekonomıkalyq damý jáne saýda mınıstri;
2013 jylǵy 16 qańtardan bastap – QR ekonomıka jáne bıýdjettik josparlaý mınıstri;
2014 jylǵy 6 tamyzda QR Prezıdentiniń № 880 jarlyǵymen QR ulttyq ekonomıka mınıstri bolyp taǵaıyndaldy.
2015 jylǵy 30 sáýirde QR Prezıdentiniń № 5 jarlyǵymen QR ulttyq ekonomıka mınıstri bolyp qaıta taǵaıyndaldy.
2016–2017 jyldary – «Báıterek» ulttyq holdınginiń basshysy.
2017 jylǵy 29 tamyzda Qazaqstan Respýblıkasy Premer-Mınıstriniń orynbasary bolyp taǵaıyndaldy.
2017 jylǵy 29 qarashadaǵy Qazaqstan Respýblıkasy Investısııalar jáne jańa tehnologııalar mınıstrdiń mindetin atqarýshy T. Toqtabaevtyń «Báıterek» ulttyq basqarýshy holdıngi» aksıonerlik qoǵamy dırektorlar keńesiniń quramy týraly» № 824 buıryǵyna sáıkes «Báıterek» ulttyq basqarýshy holdıngi» aksıonerlik qoǵamy Dırektorlar keńesiniń quramyna saılandy.
2019 jyldyń 25 aqpanynda Elbasynyń jarlyǵymen QR Ulttyq bank tóraǵasy bolyp taǵaıyndaldy.
2022 jyldyń 31 qańtarynda Almaty qalasynyń ákimi bolyp taǵaıyndaldy.