Premer-Mınıstrdiń orynbasary – Indýstrııa jáne jańa tehnologııalar mınıstri A.Isekeshev mamyr aıynyń basynda jumys saparymen Túrkııada boldy. Mınıstr bastaǵan delegasııa quramynda Pavlodar oblysynyń ákimi B.Saǵyntaev, Aqtóbe jáne Soltústik Qazaqstan oblystary ákimderiniń orynbasarlary, memlekettik holdıngterdiń, ulttyq kompanııalardyń jáne jeke sektordyń ókilderi boldy.
Sapar barysynda A.Isekeshev Túrkııa Prezıdenti A.Gúldiń qabyldaýynda boldy jáne Túrkııa Respýblıkasy Premer-mınıstriniń orynbasary ári Memlekettik mınıstri A.Babajanmen, sondaı-aq Memlekettik mınıstr Z.Chaǵlaıanmen kelissózder júrgizdi. Túrkııa Respýblıkasynyń Prezıdenti A.Gúlmen kezdesý barysynda Elbasy N.Nazarbaevtyń bastamasymen qurylǵan Túrki halyqtarynyń keńesi tóńireginde saýda-ekonomıkalyq jáne ǵylymı-tehnıkalyq yntymaqtastyqqa baılanysty máseleler qarastyryldy. Sol sııaqty Túrkııa Prezıdentiniń Qazaqstanǵa jasaıtyn saparyna qatysty máseleler áńgime boldy. A.Isekeshevtiń Túrkııanyń Memlekettik mınıstri A.Babajanmen kezdesýinde 2009 jyldyń qazan aıynda qol qoıylǵan Strategııalyq áriptestik jónindegi kelissóz tóńireginde týysqan eki el arasyndaǵy ekonomıkalyq yntymaqtastyq máseleleri talqylandy. Kezdesýler barysynda A.Isekeshev osy jyldyń 1 qańtarynan bastap kúshine engen Belorýssııa, Reseı jáne Qazaqstan arasyndaǵy Keden odaǵynyń ózara ınvestısııalyq jobalar úshin jańa múmkindikter ashatynyn atap ótti. Kezdesý sońynda jańa sharttar jaǵdaıynda eki el arasynda úkimetteraralyq deńgeıde jumys jasap jatqan ekonomıkalyq komıssııaǵa qosymsha ekonomıkalyq yntymaqtastyqtyń naqty ári tıimdi mehanızmin qurý jóninde kelisimderge qol jetkizildi. Sapar barysynda sondaı-aq otandyq jáne túrik kásipkerleriniń qatynasýymen eki bıznes-forým bolyp ótti.
“Egemen-aqparat”.