Qarjylyq monıtorıng agenttiginiń Qaraǵandy oblysy boıynsha aýmaqtyq departamenti Qamqor jedel aldyn alý is-sharasy aıasynda Qarttar úıi turǵyndarynyń, solardyń ishinde 30 múgedektiń jáne 60 zeınetkerdiń zeınetaqy tólemderi men járdemaqylaryn urlaýdyń qylmystyq shemasyn anyqtaldy.
«Qazposhta» fılıalynyń qatysýymen 5 jyl boıy Qarttar úıiniń qyzmetkerleri zeınetkerler men múgedekterge arnalǵan járdemaqy men zeınetaqyny ózderi ıelengen.
Aǵymdaǵy jyldyń 18 qańtar kúni páterlerdiń birinde jedel-izdestirý is-sharasynyń nátıjesinde qylmyskerler 1,3 mln teńge kólemindegi urlanǵan qarajatty ózara bólisý kezinde qylmys ústinde ustaldy.
Is júzinde bul aqsha aǵymdaǵy jyldyń qańtar aıynda 25 zeınetker men múgedekke tólenetin áleýmettik tólemderge arnalǵan.
Atalǵan fakti boıynsha Qylmystyq kodekstiń 190-baby 3-bóligi 3-tarmaǵymen qylmystyq is qozǵalyp, sotqa deıingi tergeý amaldary júrgizilýde.