Bul týraly QR Energetıka mınıstrliginiń baspasóz qyzmeti málim etti, dep jazady Egemen.kz.
Búgin OPEK+ kelisimine qatysýshy elderdiń mınıstrler májilisi beınekonferensııa formatynda ótti.
«Otyrys qorytyndysy boıynsha shekteýlerdi tolyq alyp tastaǵanǵa deıin OPEK+ elderiniń qazirgi munaı óndirý deńgeıin aı saıyn táýligine 400 myń barrelge arttyrýdy jalǵastyrý týraly sheshim qabyldandy», dep jazylǵan mınıstrliktiń málimetinde.
Munyń ishinde Qazaqstanǵa belgilengen kvota da artyp otyr.
«Qańtar jáne aqpan aılarynda OPEK+ sheńberinde Qazaqstan úshin kvota sáıkesinshe táýligine 1,572 jáne 1,589 mln barreldi quraıdy. 2022 jylǵy naýryzdaǵy mindettemeler táýligine 1,605 mln barreldi quraıdy», delingen mınıstrlik taratqan habarlamada.