Fitch Ratings halyqaralyq reıtıngtik agenttigi Qazaqstan Respýblıkasynyń táýelsiz kredıttik reıtıngin «BBB» deńgeıinde rastady, boljam – «turaqty», bul myqty fıskaldyq pozısııany jáne eleýli syrtqy rezervterdi kórsetedi. Bul týraly Ulttyq Bankiniń baspasóz qyzmeti málimdedi, dep habarlaıdy Egemen.kz.
Agenttik eldegi qańtar oqıǵalaryna qaramastan, olardyń ekonomıkalyq ósý traektorııasyna áseri shamaly ekenin atap ótti. 2022 jyly JIО́ ósimi 3,9% deńgeıinde boljanýda. Agenttiktiń pikirinshe, OPEK+ kelisimine sáıkes munaı óndirýdi josparly ulǵaıtý, tabıǵı resýrstarǵa álemdik suranystyń ósýi, iri energetıkalyq jobalarǵa ınvestısııalar, sondaı-aq aýyl sharýashylyǵy óndirisiniń kólemin qalpyna keltirý Qazaqstan ekonomıkasynyń ósýin qoldaıdy.
Eldiń eleýli syrtqy rezervteri kredıttik reıtıngti saqtaýdyń negizgi faktory burynǵysynsha qalyp otyr. Fitch Ratings baǵalaýy boıynsha 2021 jyldyń sońynda halyqaralyq rezervter JIО́-niń 46%-yn qurady, bul salystyrmaly kredıttik reıtıngi bar elder toby boıynsha medıandyq kórsetkishten aıtarlyqtaı asyp túsedi. Bul rette eldiń shıkizat taýarlaryna táýeldiligi, ınflıasııanyń neǵurlym joǵary deńgeıi jáne salystyrmaly kredıttik reıtıngi bar elder tobymen salystyrǵanda ekonomıkalyq saıasattyń jetkilikti damymaǵan baǵdarlamasy baıqalady.
Fitch Ratings sarapshylary 2022 jyldyń sońyna qaraı ınflıasııa deńgeıin 7% jáne 2023 jyldyń sońyna qaraı ınflıasııanyń maqsatty dálizge oralýyn boljaıdy. Agenttikte ınflıasııany tómendetý basym mindet bolyp tabylatynyn jáne áleýmettik-ekonomıkalyq jaǵdaıdy jaqsartý jónindegi keńeıtilgen josparmen qatar ınflıasııany turaqtandyrý jónindegi sharalardy qosa alǵanda, jaýapty ekonomıkalyq sharalardy jeke atap kórsetedi.
Fitch Ratings, sondaı-aq, bank sektoryndaǵy retteý men qadaǵalaý praktıkasynyń jetildirilgenin atap ótip, onyń kórsetkishteri birshama jaqsarǵanyn atap ótti: jumys istemeıtin kredıtterdiń deńgeıi tarıhı tómen deńgeıge 3,3%-ǵa jetti, kapıtaldyń jetkiliktiligi men ótimdilik qamtamasyz etiledi. Bul rette salystyrmaly kredıttik reıtıngi bar elder tobymen salystyrǵanda depozıtterdi dollarlandyrý deńgeıiniń neǵurlym joǵary bolýy, sondaı-aq kredıtteýdiń, atap aıtqanda, ıpotekalyq kredıtteýdiń jyldam ósýi saqtalýda.
Fitch Ratings - ke sáıkes kredıttik reıtıng serpini odan ári saıası jáne áleýmettik damýǵa, memlekettik basqarýdy jetildirýge, sondaı-aq ekonomıkalyq saıasat baǵyttaryna baılanysty bolady.