Aralda týyp, Alashtyń abyzy bolǵan Ábeniń qazasy barshamyzǵa qaıyrly bolsyn! Iá, ómir zańy – kelý, ketý. Shúkir! Táýbe! Bárin kórdi. Baryn berdi Uly úlgi qaldyrdy. Joǵary rýhanı planka (meje) qoıyp ketti. Sońǵy ret kezdeskende maǵan syılaǵan «Sońǵy paryz» kitabyna «Bul meniń ǵasyrmen, ýaqytpen esep aıyrysqan eńbegim» dep jazypty. Qandaı iri sózder deseńizshi!
Taǵdyry ońaı bolǵan joq. Ashtyqtyń, qýǵyn-súrginniń kýási boldy, buǵanasy bekimeı jatyp qolyna qarý ustap, maıdanǵa attandy. Qan qasaptan aman kelip, tól ádebıetimizdiń alybyna aınaldy. О́ıtkeni Ábe tektilerdiń tuıaǵy, ata-babalary tý ustaǵan batyr, sóz ustaǵan bı bolǵan. Sondyqtan qasıetti tilimiz ben jerimizdi daýlaǵanda aýzy dýaly aqsaqal, danagóı qarııa alǵa shyqqan joq pa? Uly Abaıdyń jolymen kertartpalyqty, ozbyrlyqty, toǵyshar pysyqaılyqty, áleýmettik áýmeserlikti, dańǵoılyq pen dańǵazalyqty synap, shyn namysty shıratyp, qolymyzǵa ázer qonǵan azattyq qusyn qyzǵyshtaı qorǵaǵan Ábeniń erligi men eńbegin qalaı umytamyz? Ábe 95 jasqa tolǵanda Memleket basshysy Q.Toqaev Almatyǵa arnaıy kelip «Endi ǵasyrlyq mereıtoıyńyzda kezdeseıik» degen tilekpen birge «Eńbek Eriniń» altyn juldyzyn tósine taǵyp edi. Amal ne, Allanyń ámirine qarsy shyǵý múmkin emes. Biraq biz búgin Alla taǵalaǵa ókpe aıtý úshin emes, qazaq halqyna osyndaı tulǵany syılaǵany úshin rahmet aıtýǵa jınaldyq. Janyńyz janatqa samǵaǵanmen, sózińiz, oıyńyz, pikirińiz aq qaǵazdyń betinde, qara jerdiń ústinde qalyp barady ǵoı, aıaýly Ábe! Solardy ózińizdeı, Kózińizdeı kórip, áli talaı syrlasarmyz, máslıhattasarmyz! О́ıtkeni alar asýlarymyz qıyndap barady. Shyǵar shyńdarymyz bıiktep barady. Qatarlarymyz sırep barady. Qalǵandarymyzdyń endigi jerde aıtysyp-tartysyp júrýge qaqymyz joq bolsa kerek, rýhanı jańǵyrýǵa rýhanı birlikpen jetýimiz qajet bolyp tur. Abyz aǵamyzdyń qazasy osyndaıda keshegi yzǵarly qańtardan keıin eldi birlikke shaqyrǵandaı bolyp kórinedi. Endigi túsken aq jol bir-birimizge ári sergek, ári ádil bolýdy talap etedi! Osy bir uıytqyly iste Ábeniń rýhy bizben máńgi birge!
Qyrymbek KО́ShERBAEV,
memleket jáne qoǵam qaıratkeri