Qalalardyń lastaný deńgeıi boıynsha Qazaqstan álemdegi 115 eldiń ishinde 33-oryndy ıelendi. Lastaný ındeksi 73,4 qurady. Sarapshylardyń pikirinshe, ındeks neǵurlym úlken bolsa, jaǵdaı soǵurlym nasharlaıdy, dep habarlaıdy Egemen.kz.
Energyprom.kz zertteýshileri naqtylaǵandaı, Kamerýn, Mońǵolııa jáne Mıanma eń lastanǵan elderdiń reıtıngin ashty.
Fınlıandııa 12,1 ındeksimen tizimdi jabady, bul álemdegi eń jaqsy kórsetkish.
«Reıtıngke qatysatyn TMD elderi arasynda Ázerbaıjandaǵy jaǵdaı Qazaqstanǵa qaraǵanda nashar. Moldova, Ýkraına, Reseı, Armenııa jáne Belarýsııa kórsetkishteri jaqsy», delingen zertteýde.
Sarapshylar 2021 jyldyń on eki aıynyń qorytyndysy boıynsha Qazaqstannyń qorshaǵan ortasyn qorǵaýǵa baǵyttalǵan kúrdeli ınvestısııalar 4,3%-ǵa (163,9 mlrd teńgege deıin) óskenin túsindirdi.
Sektordaǵy kúrdeli ınvestısııalardyń eń kóp kólemi Jambyl oblysynda baıqaldy. Eń kishisi - Almaty oblysynda.