Aqtóbe oblysynda 15 jasar qyzdy aıýandyqpen óltirgen Sergeı Naýmsev ómir boıyna bas bostandyǵynan aıyryldy. Bul týraly «KTK» telearnasy habarlady.
Sergeıdiń sybaılasy Vıktorııa Savıch te sottaldy. Esterińizde bolsa, ótken jyldyń qazan aıynda Aqtóbe qalasyndaǵy kópqabatty úıdiń janynan dorbaǵa salynǵan oqýshy qyzdyń máıiti tabyldy. Tergeý barysynda V. Savıchtiń súıiktisine pák qyz izdep, ony arbaýyna túsirgeni málim boldy. Ol mektep oqýshysymen áleýmettik jeli arqyly tanysyp, beıkúná qyz balany jaldamaly páterine aldap shaqyrady. Al Vıktorııanyń súıiktisi S. Naýmsev sol túni oqýshy qyzdy zorlap bolǵannan keıin ony býyndyryp óltirgen.
Alqa bılerdiń qatysýymen ótken sot otyrysynda aıypkerler S. Naýmsev Qylmystyq kodekstiń 257,96,120 baptary boıynsha, al V. Savıch Qylmystyq kodekstiń 28,120,96 baptaryna sáıkes sottalǵan bolatyn. Olar bul úkimmen kelispeıtinderin aıtyp, sotqa shaǵymdanǵan edi. Isti qaıta qaraý barysynda S. Naýmsevtiń jazasy ózgerissiz qaldyrylyp, V. Savıch 23 jylǵa sottaldy.
Ámirhan Almaǵanbetov.
Derekkóz: «KTK».
Foto: www.sg.com.ua.