Semeıde er adam órtengen úıden týysyn qutqaryp qaldy, dep habarlaıdy Egemen.kz.
ShQO tótenshe jaǵdaılar departamenti baspasóz qyzmetiniń málimetine súıensek, Semeı qalasynda jeke turǵyn úıde órt shyqqan. Qyzyl jalyn kireberistiń aǵash qurylymdaryn, tereze men esik blogyn jáne jıhazdy sharpydy.
«Oqıǵa ornyna órt sóndirýshiler kelip jetkenge deıin úı ıesiniń sol mańda turatyn týysy Andreı Matveev órtti baıqap qalyp kómekke umtylǵan. Kók tútinge oranǵan úıden 1954 jylǵy er adam shyǵa almaı qaldy. Sol kezde Andreı terezeni shaǵyp, ishke kirgen. Edende jatqan úı ıesin taýyp, ony syrtqa alyp shyqty», delingen aqparatta.
Zardap shegýshi jedel járdem dárigerleriniń tekserýinen keıin úıde qaldyryldy. Kóp uzamaı órt sóndirýshiler jalpy aýdany 15 sharshy metrge jetken tilsiz jaýdy aýyzdyqtady.
Aldyn ala málimet boıynsha ottyń shyǵý sebebi – elektr jabdyqtaryn ornatý jáne paıdalaný kezinde qaýipsizdik talaptaryn saqtamaý.