Almaty qalasynda aýa raıy qystyń sońǵy aıy aıaqtalǵansha myń qubylady. Aıaz, tuman, kóktaıǵaq bolyp, jaýyn-shashyn molynan túsedi, dep habarlaıdy Egemen.kz Almaty qalasynyń tótenshe jaǵdaılar departamentine silteme jasap.
«112 sms habarlamalaryna muqııat qaraýdy, avtokólik júrgizý kezinde saqtyq sharalaryn saqtaýdy, jyldamdyqty azaıtýdy, qashyqtyqty saqtaýdy, kenetten jasalatyn manevrlerden aýlaq bolýdy suraımyz. Joldyń júrý bóliginde jáne trotýarlarda kóktaıǵaq paıda bolǵanda jaıaý júrginshiler saq bolýy kerek», delingen Almaty qalasynyń tótenshe jaǵdaılar departamentiniń habarlamasynda.