Tártip saqshylary Parıjde «Bostandyq konvoıy» aksııasyna belsendi túrde qatysqan 97 adamdy ustady, dep habarlaıdy Egemen.kz.
97 adamdy ustaýdan bólek tártip saqshylary 513 hattama toltyrǵany belgili bolǵan. «Manıfestasııa. Parıjdegi jalpy nátıje: 97 ustaý, 513 hattama. Polısııa prefektýrasy aldaǵy kúnderde de jaǵdaıdy baqylaıdy», delingen jeksenbide polısııa prefektýrasynyń Twitter-degi paraqshasynda jazylǵan habarlamada.
Senbi kúni el boıynsha 32 myńnan astam adam sherýge shyqqany anyqtalǵan. Sondaı-aq Parıjde 7,6 myńǵa jýyq adam koronavırýstyq ınfeksııaǵa baılanysty jarııalanǵan shekteýlerge narazylyǵyn bildirgen edi. Sherýge avtokólik júrgizýshileri Fransııanyń ońtústiginen jáne de basqa aımaqtarynan Parıjge kelip, ún qosýǵa tyrysqan.