Qazaqstanda atom energetıkasyn damytý áleýeti jetkilikti. QR Energetıka mınıstri Bolat Aqsholaqov ortalyq kommýnıkasııalar qyzmetinde ótken brıfıngide osyndaı pikir bildirdi, dep habarlaıdy Egemen.kz.
«Biz óndiriletin tabıǵı ýran kólemi boıynsha álemde birinshi oryndamyz. Bizde ıadrolyq otyn komponentteri óndiriledi, sondaı-aq bizdiń elde ýrandy ızotopty baıytý boıynsha qyzmetter qoljetimdi. Byltyr Úlbi metallýrgııa zaýytynyń bazasynda Qytaıdyń atom elektr stansııalary úshin daıyn ıadrolyq otyn shyǵaratyn zaýyt ashyldy. Iаdrolyq otyn belsendi shyǵaryla bastady», degen vedomstvo basshysy bul salada Qazaqstannyń kadrlyq saıasaty qalyptasqanyn atady.
«Atom ónerkásibi men ǵylym salasynda bizde 24 000-ǵa jýyq adam eńbek etedi. Qazaqstannyń joǵary oqý oryndarynda 2010 jyldan bastap ıadrolyq jáne tehnıkalyq fızıka baǵyttary boıynsha 3 200 kadr daıarlandy. Qazaqstannyń Ulttyq ıadrolyq ortalyǵy men Iаdrolyq fızıka ınstıtýtynda 3 ıadrolyq zertteý reaktory jumys isteıdi. Paıdalanýǵa berilgen sátten bastap osy reaktorlardy bizdiń mamandar tabysty paıdalanyp keledi. Al ǵylymı jumystardyń nátıjelerin álemdik qoǵamdastyq, sonyń ishinde AES jobalaý kezinde qoldanady. Sonymen qatar, Qazaqstan 1973 jyldan 1999 jylǵa deıingi kezeńde BN-350 tolyqqandy ónerkásiptik ıadrolyq reaktoryn paıdalanǵanyn jáne ony paıdalaný kezeńinde avarııasyz jumys qamtamasyz etilgenin eske salǵym keledi. Bul – Qazaqstannyń quzyreti men áleýetiniń dáleli», dedi mınıstr.
Sondaı-aq, ol ótken aptada Reseı men Qazaqstan prezıdentteriniń qatysýymen reseılik joǵary oqý oryndarynda osy salanyń kadrlaryn daıarlaý jónindegi memorandýmdarǵa qol qoıyldy.
«Elektr energııasynyń aldaǵy tapshylyǵyn, álemdik ekologııalyq kún tártibine baılanysty kómir generasııasyna táýeldilikti tómendetý qajettiligin, óndiristik qýattardyń tozýyn, sondaı-aq Qazaqstannyń atom energetıkasyn damytýdaǵy zor áleýetin eskere otyryp, elimizde AES salý neǵurlym perspektıvti sheshim bolyp kórinedi», dedi Bolat Aqsholaqov.