Fýtboldan Anglııa ulttyq quramasynyń burynǵy shabýylshysy Pıter Kraých osy maýsymda chempıondar lıgasynda qaı komandalardyń top jarýy múmkin ekenin aıtty, dep habarlaıdy Egemen.kz championat.com-ǵa silteme jasap.
«Qazirgi kezde aǵylshyn klýbtarynyń kári qurlyqta ústemdik qurǵanyn barlyǵymyz kórip-bilip otyrmyz. Sońǵy úsh jylda eki ret aǵylshyndyq fınaldy tamashalaǵanymyz barshańyzdyń jadyńyzda shyǵar. Osy maýsymda da aǵylshyndyq komandalardyń fınaly bolsa, tańǵalarlyq eshteńe joq. Anglııa klýbtarynan ózge jeńiske laıyqty komandalardy kórip turǵan joqpyn. «Lıverpýl» men «Manchester Sıtı» - meniń túsinigimde chempıondar lıgasynyń favorıtteri. «Chelsıdiń» de múmkindigin joǵary dep esepteımin. Aǵylshyndyq klýbtardan tek qana «Manchester Iýnaıted» komandasyna kúmánim bar.
О́zge elderdiń klýbtarynan «Bavarııany» ataýǵa bolady. Robert Levandovskıı múmkindikterin múlt jibermeıtin mergen fýtbolshy ekenin bárimiz bilemiz. Germanııalyq komandanyń oıyn úlgisin, fýtbolshylarynyń jyldamdyǵyn eskersek, múmkindikteri joǵary. Ispanııanyń «Realy» qaı kezde de jeńisten úmitti. Alaıda joǵaryda men aıtqan komandalarǵa qaraǵanda múmkindigi azdaý. «PSJ» fýtbol klýbynda juldyzdar jetkilikti. Alaıda olar bir maqsattyń aınalasynda uıymdasa ala ma? Áńgime sonda», deıdi Kraých óz oıymen bólisip.