Qyzylorda oblystyq prokýratýrasynyń qyzmetkerleri óz aǵymdarynyń ıdeologııasyn nasıhattap júrgen tirkelmegen dinı birlestik múshelerin ustady. Bul týraly oblystyq prokýratýranyń baspasóz hatshysy Botagóz Seıil habarlady.
«Oblystyq prokýratýra Qazaqstan Respýblıkasynyń zańdarynda belgilengen tártippen tirkelmegen dinı birlestik qyzmetine basshylyq jasaǵany úshin Qyzylorda qalasynyń turǵyny azamat Iý.R-ge qatysty «Ákimshilik quqyq buzýshylyq týraly» Kodekstiń 374-1 baby 1-bóligimen ákimshilik is qozǵady», - delingen habarlamada.
Tirkelmegen dinı birlestiktiń ustanýshylary oblys ortalyǵynda ornalasqan turǵyn úılerdiń óz aǵymynyń ıdeologııasyn ýaǵyzdaǵan. Oǵan qatysýshylar arasyndainde jasy kámeletke tolmaǵan balalar bolǵan.
Qyzylorda qalasynyń mamandandyrylǵan ákimshilik sotynyń qaýlysymen azamat Iý.R. tirkelmegen dinı birlestik qyzmetine basshylyq jasaǵany úshin Kodekstiń 374-1 baby 1-bóligimen kináli dep tanylyp, oǵan 100 aılyq eseptik kórsetkish mólsherinde aıyppul salyndy.
Dinı birlestiktiń qyzmetine qatysqan tulǵalarǵa dinı qyzmet jáne dinı birlestikter týraly zańnama talaptary túsindirilip, tirkelmegen dinı birlestiktiń qyzmetine qatysqannyń quqyqtyq saldary eskertildi.
Qurysh Nurymbet.
Derekkóz: Qyzylorda oblystyq prokýratýrasy.