Soltústik Qazaqstan oblysynyń ákimdigi belgili konkıshi, Sochı Olımpıadasyna qatysýshy Roman Krechke bergen ýádesin oryndap, oǵan eki bólmeli páterdiń kiltin tapsyrdy.
Másele mynada. Osynyń aldynda oblys ortalyǵynyń sportshy turatyn aýdanyndaǵy jer úılerdiń bári buzylyp, onyń ornyna jańa ǵımarattar qurylysy júrgiziletin bolyp sheshim qabyldanǵan. Sondyqtan Romanǵa baspanasyz qalý qaýpi tóngen. Onyń bul ýaıymyn estigen buqaralyq aqparat quraldary sol boıda dabyl qaqty. Sóıtsek, bul jaıdan oblys pen qala basshylyǵy da habardar bolyp otyr eken. Olar sportshyny dalada qaldyrmaýdyń bar sharasyn jasap, oǵan tez arada jańa páter daıyndap berýge qol jetkizdi.
Sportshy páterge 22 naýryz kúni kelip kirdi. Shyny kerek, Romannyń ózi dál mereke kúnderi osyndaı qýanyshqa kenelem dep oılamapty. «Páter maǵan unady. Barlyǵy da sapaly istelgen. Bul men úshin úlken tartý. Oblys ákimdigi tarapynan mundaı zor kóńil bólý meni jańa jeńisterge jigerlendiredi», – dedi Roman Krech.
Sportshyny quttyqtaýǵa osy úıde turatyn sportshy-dostary – jeńil atletıkadan halyqaralyq dárejedegi sport sheberi Margarıta Muqasheva, Evgenıı men Irına Ektovtar, sporttyq baǵdarlaý boıynsha halyqaralyq dárejedegi sport sheberi Aslan Toqbaev keldi.
Aıta keterligi, sońǵy eki jylda Soltústik Qazaqstan oblysynyń belgili 6 sportshysyna páterler berildi, 42 sportshy ózderiniń jetistikteri úshin oblys ákiminiń stıpendııasyn alyp otyr.
Damır QOJAMQUL.