Qarjy monıtorıngi agenttiginiń Pavlodar oblysy boıynsha aýmaqtyq departamenti Ekibastuz GRES-1 aýmaǵynda ornalasqan maınıngtik data-ortalyqtardyń úzdiksiz jumys isteýi maqsatynda elektr energııasyn zańsyz tutyný men satýdy uıymdastyrǵanyn anyqtady, dep habarlaıdy Egemen.kz QR Qarjy monıtorıngi agenttiginiń baspasóz qyzmetine silteme jasap.
«Bul rette elektr energııasy jeke JShS-dan eki kásiporynnyń atyna túsip otyrǵan. Sonymen qatar, JShS-nyń elektr energııasyn berýge lısenzııasy bolmaǵan. О́ıtkeni, «Ruqsattar jáne habarlamalar týraly« Zańǵa sáıkes energııamen jabdyqtaý maqsatynda elektr energııasyn satyp alý qyzmetin júzege asyratyn kásipkerlik sýbektilerdiń Tabıǵı monopolııalardy retteý komıtetinen lısenzııasy ıe bolýy tıis», dep jazylǵan habarlamada.
Aldyn ala jasalǵan akt-qorytyndyǵa sáıkes belgilengen tabys somasy 805 mıllıon teńge. Tergeý jalǵasýda. О́zge aqparat tergeý múddesine saı jarııa etilmeıdi.