Reseı Ýkraınaǵa birneshe kúnde shabýyl jasaýy múmkin. Aq Úıde ótken baspasóz konferensııasy kezinde AQSh prezıdenti Djo Baıden osylaı dep málimdeme jasady, dep habarlaıdy Egemen.kz.
Djo Baıden Vladımır Pýtınniń elge basyp kirý týraly jospar qurǵanyna senimdi.
Osy oraıda AQSh prezıdenti Ýkraınaǵa qoldaý kórsetip, qarý-jaraq jetkizetinin jasyrmady. Biraq óz áskerin jibermeıtinin aıtty.
Eger Reseı Ýkraınaǵa basyp kirse, AQSh pen onyń odaqtastary qatań sanksııa salamyz dep ses kórsetti. Al Máskeý osyǵan deıin bul aqparatty birneshe ret joqqa shyǵaryp, Batys elderin ahýaldy ádeıi ýshyqtyryp otyr dep aıyptaǵan edi.