Elimizdiń Indýstrııa jáne ınfraqurylymdyq damý mınıstri Qaıyrbek О́skenbaev ýtılızasııalyq alymnyń ózgerýi avtokólik baǵasyna aıtarlyqtaı áser etpeıtinin aıtty, dep habarlaıdy Egemen.kz.
«Rasynda kádege jaratý alymdaryn shegerse, avtokólik baǵasy tómendeıtin shyǵar degendi jıi estip júrmiz. Endi statıstıkaǵa zer salsaq, elimizden shyqqan avtokólikterge eshqandaı ýtılızasııalyq alym tólenbeıtini málim. О́tken jyly 105 043 jeńil avtokólik ótkerilse, 64 paıyzy otandyq ónim bolǵandyqtan, ýtılızasııalyq alym tólenbedi. Traktordyń 89 paıyzy, kombaındardyń 88 paıyzy, avtobýstardyń 74 paıyzy óz elimizdiki ekeni ras. Osyǵan qarap-aq bárin baǵamdaýǵa bolady. Durysy, baǵa ózgermeıdi», dedi Qaıyrbek О́skenbaev.
Mınıstr sheteldik avtokólikterdiń baǵasy nelikten ózgerissiz qalatynyn da aıtyp ótti.
«О́zge elderden keletin avtokólikterdiń baǵasy tómendeıdi dep aıtýdyń qajeti shamaly. Aıtalyq, jol talǵamaıtyn qymbat avtokólik ákelse, óz qaltasyna túsetin quny ósedi de, halyq úshin arzan baǵamyn satylmaıdy dep oılaımyn», dedi mınıstr.