Ońtústik Qazaqstan oblystyq ishki ister departamentine qarasty uıymdasqan qylmyspen kúres basqarmasynyń burynǵy bastyǵy sottaldy. Bul týraly Otyrar.kz habarlady.
Uıymdasqan qylmyspen kúres basqarmasynyń burynǵy basshysy Seıitjan Saparbekovke qarýdy zańsyz saqtaǵan, para bergen jáne laýazymyn asyra paıdalanǵan degen aıyptar taǵylǵan. Osyǵan qatysty qylmystyq isti qaraǵan Eńbekshi aýdandyq soty eks-polıseıdi kináli dep taýyp, 9 jylǵa bas bostandyǵynan aıyrdy. Alaıda, aıyptalýshynyń ózi men onyń qorǵaýshysy bul úkimmen kelispeıtindikterin aıtty.
Bizge kelip túsken aqparat kózinde sýdıanyń aıyptalýshy S. Saparbekovke qatysty sheshim shyǵararda onyń kámeletke tolmaǵan balasy bar ekenin jeńildetilgen jaıt retinde qarastyrǵany týraly jazylǵan.
Ámirhan Almaǵanbetov.
Derekkóz: Otyrar.kz.
Foto: www.Segodnya.ua.