Arnaýly salyq rejimi: Salyq eseptiligin tapsyrý jáne salyq tóleý merzimderi qandaı?

Osylaısha, patent negizinde arnaýly salyq rejimin qoldanatyn dara kásipkerler úshin Salyq kodeksinde bir aıdan bir jylǵa deıin patent qunynyń esep-qısabyn (911.00-nysan) usyný múmkindigi kózdelgen. Patent qunyn jáne áleý­mettik tólemderdi tóleýdi salyq tóleýshi esep-qısapty tabys etkenge deıin júrgizedi.

Arnaýly mobıldi qosymshany paıdalana otyryp arnaýly salyq rejimin qoldanatyn jeke kásip­kerler salyq eseptiligin usynbaıdy. JTS jáne áleýmettik tólemder somasy aı saıyn arnaıy mobıldi qosym­sha arqyly esepti aıdyń 15-nen ke­shik­tirilmeı esepteledi jáne esepti aıdyń 25-nen keshiktirilmeı tólenedi.

Ońaılatylǵan deklarasııa negi­zin­de arnaýly salyq rejimin qol­danatyn salyq tóleýshiler deklarasııany (910.00-nysan) salyq tóleý­shiniń ornalasqan jeri bo­ıyn­sha memlekettik kiris organyna birinshi jartyjyldyq úshin 15 tamyzdan keshiktirmeı (25 tamyzdan keshiktirmeı tóleıdi), ekinshi jartyjyldyq úshin 15 aqpannan keshiktirmeı (25 aqpannan keshiktir­meı tóleıdi) tabys etedi.

Bul rette, jumyskerlerdiń tabysynan jeke tabys salyǵyn jáne áleýmettik tólemderdi tóleýdi aı saıyn, tabystardy tólegen aıdan keıingi aıdyń 25-nen keshiktirmeı júrgizetinin atap ótý qajet.

Biryńǵaı jer salyǵyn tóleýshi­ler dek­larasııany (920.00-nysan) esep­ti jyldan keıingi jyldyń 31 naý­ryzynan keshiktirmeı jer ýchas­kesi ornalasqan jerdegi salyq organdaryna tabys etedi.

Biryńǵaı jer salyǵyn, jerús­ti kózderindegi sý resýrstaryn paı­dalanǵany úshin tólemaqyny tóleý jer ýchaskesi ornalasqan jer boıynsha da mynadaı tártippen júrgiziledi:

1) esepti kezeńniń 1 qańtarynan 1 qazanyna deıin eseptelgen soma­lar aǵymdaǵy esepti kezeńniń 10 qara­shasynan keshiktirilmeıtin merzimde;

2) esepti kezeńniń 1 qazanynan 31 jeltoqsanyna deıin eseptelgen somalar – esepti kezeńnen keıingi esepti kezeńniń 10 sáýirinen keshik­tirilmeıtin merzimde. 2022 jyldan bastap biryńǵaı jer salyǵynyń somasy jergilikti ózin ózi basqarý bıýdjetine túsedi.

Jaldamaly qyzmetkerler úshin jeke tabys salyǵyn jáne áleý­mettik tólemderdi tóleýdi tabys tólen­gen aıdan keıingi aıdyń 25-nen keshik­tirmeı aı saıyn júrgizý qajet.

Bólshek salyqtyń arnaý­ly sa­lyq rejimin qoldanatyn sa­lyq tóleý­shiler deklarasııany (913.00-nysan) salyq tóleýshiniń orn­a­lasqan jeri boıynsha salyq orga­nyna esepti toqsannan keıingi ekin­shi aıdyń 15-kúninen keshiktirmeı tabys etedi. Tólemdi esepti toqsan­nan keıingi ekinshi aıdyń 25-nen keshiktirmeı júrgizedi. Bul rette jaldamaly jumyskerlerdiń tabysynan jeke tabys salyǵyn jáne áleýmettik tólemder aı saıyn, tabystardy tólegen aıdan keıingi aıdyń 25-nen keshiktirilmeı tólenedi.